Buddy's Kitchen (已結業)

唔系朋友带路，根本唔知火车站附近有间新餐厅！今晚晏咗食饭，所以去到嘅时候已经有啲饿！ 除咗个set dinner之外，仲叫多2个小食，"蕃茄芝士蒜蓉包"同"炒蘑菇"!先嚟个"炒蘑菇"，其实小食系炒蘑菇确系有D奇怪，不过呢个蘑菇因为用咗D牛油同蒜去炒，个感觉反而有D似BBQ，之后个"蕃茄芝士蒜蓉包" 芝士够软身，蕃茄亦新鲜，个底盘面包亦都好松软，唯一有意见嘅系可能个炒蘑菇蒜蓉味大凸出，令到我食到个包唔够蒜香 之后今晚我叫咗个"西冷牛排set dinner", 送"鸭胸沙律"! 鸭胸沙律个汁酸酸甜甜，令到鸭胸冇咁腻，食完个感觉好清爽，好啱配我个main course牛排 ，之后到"西冷牛排"!火候控制得非常好，保留牛肉既鲜味，肉质有口感，不过唔会韧！脂肪及肉既比例系会入口即溶，香港小有餐厅做到！最后dessert, "cream brulee"上面既脆焦糖厚薄适中，不过本人比较钟意带小小焦咗既苦味，所以觉得焦糖可以更焦多D！不过，下面个炖蛋确系惊喜中既惊喜！香草既味道非常浓郁，炖蛋既细滑度更系一绝！唯一不足既系......数量有限，叫多ground 就要睇下各下既彩数喇！