影片
更多
2021-06-10
515 浏览
钟意嚟油尖旺嘅朋友，相信对佐敦嘅逸东酒店都唔会陌生，佢有一层地下嘅food court，占地好大而且餐厅嘅选择好多，我都可以话系座上客。今日同朋友嚟先行一个圈，再选择我哋钟意食嘅嘢。行到最角落头呢一间越南餐厅，店员同我哋讲有新嘅晚餐餐单，见佢都好抵食，于是我哋就试一试啦。美国安格斯生牛肉粉$65加$16就有升级套餐：春卷、沙律、冻柠茶食越南餐，生牛肉粉一定走唔甩啦。呢一度嘅生牛肉粉充满九层塔嘅芳香，加一啲指天椒，食出嚟嘅汤都系鲜甜浓郁，洋葱超级多，而且带有淡淡嘅牛骨香气，但却唔油唔腻；河粉细细条又滑又香软，而且牛肉片冇渣又带甜味。软壳蟹牛油果沙律呢排食得太多嘢，食个沙律清一清肠胃都系一个唔错嘅选择。净系睇佢嘅颜色卖相都已经非常开胃，同吸引。最钟意佢衬有一啲木瓜丝萝卜丝青瓜丝嘅沙律；带有东南亚特色。而且佢既边炸软壳蟹香脆啖啖肉，配埋爽口嘅沙律菜同埋入口即溶嘅牛油果，实在回味无穷。自家制手打虾饼哗一上枱已经发现，佢唔系用现成嘅虾饼，而系自家制嘅手工虾饼，实在唔简单。我朋友话呢一杯咸零梳打非常好味，又酸又咸，开脑醒胃！虾饼Q弹鲜味，而且两面都炸到黄金脆口，配搭埋甜酸辣酱同埋佢嘅自家沙律辣酱，
行到最角落头呢一间越南餐厅，店员同我哋讲有新嘅晚餐餐单，见佢都好抵食，于是我哋就试一试啦。
美国安格斯生牛肉粉$65
加$16就有升级套餐：春卷、沙律、冻柠茶
食越南餐，生牛肉粉一定走唔甩啦。
呢一度嘅生牛肉粉充满九层塔嘅芳香，加一啲指天椒，食出嚟嘅汤都系鲜甜浓郁，洋葱超级多，而且带有淡淡嘅牛骨香气，但却唔油唔腻；河粉细细条又滑又香软，而且牛肉片冇渣又带甜味。
软壳蟹牛油果沙律
呢排食得太多嘢，食个沙律清一清肠胃都系一个唔错嘅选择。
净系睇佢嘅颜色卖相都已经非常开胃，同吸引。最钟意佢衬有一啲木瓜丝萝卜丝青瓜丝嘅沙律；带有东南亚特色。而且佢既边炸软壳蟹香脆啖啖肉，配埋爽口嘅沙律菜同埋入口即溶嘅牛油果，实在回味无穷。
自家制手打虾饼
哗一上枱已经发现，佢唔系用现成嘅虾饼，而系自家制嘅手工虾饼，实在唔简单。
我朋友话呢一杯咸零梳打非常好味，又酸又咸，开脑醒胃！
虾饼Q弹鲜味，而且两面都炸到黄金脆口，配搭埋甜酸辣酱同埋佢嘅自家沙律辣酱，都系好好味道嘅。见唔见到佢一粒粒嘅虾肉啊，真系食到唔停口啊！
张贴
