影片
更多
2013-10-29
745 浏览
米妮参加左FunBox的活动，获选出席与郑融食牧牛湖清水蟹宴！西苑的店面以中式为主题，有点古色古香的风味。店内不少字画挂于墙上。去到果阵郑融同一圈圈主持人梁泰来已经系隔离房食紧，米妮同米奇得个等字。无办法啦，人地话晒明星，又点会真系同我地食饭....... 不过如果佢地系度，压力都真系几大，唔知讲乜好。佢地食完之后，就同我地见面影相。之后就走左lu～～但米妮黎，唔系为追星，系为食好野，所以一坐低有得食就唔理其他野了！第一道菜系清酒炒虾仁。卖相唔算突出，同出面的炒虾仁差唔多。但食落都真系有D惊喜！D虾仁滑溜爽甜之余又有淡淡的酒味！酒味虽然无醉鸡咁重，但系配虾仁就恰到好处！好食！第二道菜系大闸蟹粉花胶羹，见到米妮即时回想到上海食过的"佳家小笼包"，又系超级足料！捞到底，D蟹粉蟹膏花胶，望到都流口水！味道非常好，蟹味浓郁，感觉上无另外添加味精，D味完全系因为足料先煲到的！米妮好钟意呢道，因为花胶美容嘛！第三道菜就系主角－牧牛湖大闸蟹。其实近排听到食大闸蟹都有D惊，一来大闸蟹寒凉，二来市上太多大闸蟹都好多激素，真系令人为之却步。但系店家就同我地讲，牧牛湖的大闸蟹系坚持以天然生态方法养殖，又经过
西苑的店面以中式为主题，有点古色古香的风味。店内不少字画挂于墙上。
去到果阵郑融同一圈圈主持人梁泰来已经系隔离房食紧，米妮同米奇得个等字。无办法啦，人地话晒明星，又点会真系同我地食饭....... 不过如果佢地系度，压力都真系几大，唔知讲乜好。佢地食完之后，就同我地见面影相。之后就走左lu～～
但米妮黎，唔系为追星，系为食好野，所以一坐低有得食就唔理其他野了！第一道菜系清酒炒虾仁。卖相唔算突出，同出面的炒虾仁差唔多。但食落都真系有D惊喜！D虾仁滑溜爽甜之余又有淡淡的酒味！酒味虽然无醉鸡咁重，但系配虾仁就恰到好处！好食！
第二道菜系大闸蟹粉花胶羹，见到米妮即时回想到上海食过的"佳家小笼包"，又系超级足料！捞到底，D蟹粉蟹膏花胶，望到都流口水！味道非常好，蟹味浓郁，感觉上无另外添加味精，D味完全系因为足料先煲到的！米妮好钟意呢道，因为花胶美容嘛！
第三道菜就系主角－牧牛湖大闸蟹。其实近排听到食大闸蟹都有D惊，一来大闸蟹寒凉，二来市上太多大闸蟹都好多激素，真系令人为之却步。但系店家就同我地讲，牧牛湖的大闸蟹系坚持以天然生态方法养殖，又经过多项验证测试，绝对系食用安全的。同埋由于牧牛湖大闸蟹系野生的，所以唔会有泥味。听完之后，米妮都心郁郁，话晒今年未食过全只大闸蟹，就俾面食下啦！
拆蟹个阵，米妮真系觉得唔错，因为真系无泥味呀！仲要有好多膏
拆下食下，真系搞左好耐。值得赞的是，呢个大闸蟹的肉质真系好爽甜，无腥味，拆完蟹之后米妮只手都好香喷喷，剩系得蟹肉味！点下醋食都几滋味，但米妮都系钟意原汁原味多D～
本身FunBox有个小游戏，系拆蟹的。店家拆左个sample我地睇，叫我地学习下，做得最好有一支陈年花雕。对米妮黎讲，一D都唔吸引，因为米妮都唔饮酒。所以现实D，用自己的方法去食蟹，食得尽兴随意先系生活态度！所以米妮食完之后就变左。。。。只能为蟹默哀！但同时都证明，个蟹系掂的，所以值得米妮食成咁
第四道菜大闸蟹粉元贝皇，粒带子系米妮第一次食咁大只的！仲大只过个汤匙！粒带子弹牙香甜，又唔痴牙，啖啖肉的味道，足足食左三啖先食完，好过瘾！仲要配埋蟹粉的味道，好match！系成个蟹宴入面米妮最钟意的一道菜！
上完好野之后就开始失望了。先来个嫩鸡煨面（其实米妮都唔知呢道菜系咪叫呢个名），一夹D面上黎就闻到有D焦味。对面的食家夹到底就见到真系有焦左的面真系有D unbelievable！话晒叫我地黎试食写comment，居然会发生咁的事！望落D鸡都有少少焦，但系最大问题系出系面上面。同埋，望下张相，点解一碗大一碗细差咁远ge........
最尾的系姜茶汤丸，原意系要驱寒，话晒大闸蟹都真系好寒。但系......个姜汤真系好辣！辣到米妮耳仔都痛埋真系个个都话好辣。足料都唔驶搞到咁辣ge........
估唔到咁好的一餐饭居然收尾个阵败笔。真可惜！
题外话/补充资料：
由于米妮系获奖去试，都真系唔知呢个蟹宴系几钱。但米妮见旧年团购2人价（菜单不太相同）都要平均500蚊一个人。值唔值得就真系见仁见智！
(以上食记乃用户个人意见 , 并不代表OpenRice之观点。)
张贴
