泰贊- 創意泰餐廳 (已結業)

So Thai So Good虽然主打泰国菜，但其实又有西式嘅食物，所以其实都系fushion菜。餐厅装修都几现代化，唔睇menu同唔睇店名都唔觉系食泰菜。叫咗椰青煮蚬丶金柚沙律丶大头虾炒泰式金边粉同脆皮猪手配香叶辣椒炒饭。椰青煮蚬，一心以为个汤底系椰青水，但其实唔系，只系有啲椰青肉，而个汤底都有少少辣，啲蚬肉有D沙。沙律个汁用试管盛住，可以因应自己口味落几多，个汁酸酸甜甜令人几开胃。金边粉正路，炒得几好味！脆皮猪手配香叶辣椒炒饭，其实味道都几好味，配搭又几夹，猪手坚脆，可惜成个饭一上枱已经唔热所以扣左分。至于甜品叫咗香芒拿破仑同埋窝夫。甜品有啲惊喜，因为本身对佢个拿破仑都冇乜期望，话晒呢一间都系主打泰菜。不过个拿破仑又真系整得几好味㖞! 窝夫就不过不失啦唔算好脆。环境气氛： ★★★★☆食物质素： ★★★★☆服务态度： ★★★★☆