雲來軒 (已結業)

呢排食得西餐多，又想食返中餐，资料搜集后决定嚟到云来轩！呢间名就听过，但从来无食过既中餐馆。得知餐厅擅长玩fusion，心中特别期待。好在有订位，因为星期一人都好多我地睇完餐牌，先叫个炖汤润下喉。炖汤用紫砂茶壶装，系近期好兴既功夫汤。一壶够哂2个人饮，用功夫杯饮汤其实又几方便。汤好清甜同时都好浓郁。汤料都好淋好入味，送上豉油，细心！叉烧都系一个必点菜色，叉烧每件都好大旧，肉质厚实唔会烧到好干身，个汁香得嚟唔过甜，高质！海鲜叫左时令扇贝，每只手掌咁大！蒜蓉粉丝蒸特别惹味！蒸既时间刚好，肉质鲜甜又嫩！好味中意食海鲜就点多个招牌菜，呢味𩠌精致得嚟都好有特，虾同带子摆埋一齐，两者都鲜甜，虾既弹牙加带子既嫩滑，配上意大利黑醋，系几特色话明玩fusion，姑且叫个槟城棒棒骨，用既系猪脾肉，啖啖肉，肉质仲好嫩！有猪味，食既时候仲好方便。配上自家制咖哩真系好惹味，配料又多。最后食个炒饭，原来主厨用陈皮入馔有一手，就叫个炒饭试下。炒饭用上健康既黑蒜，有少少酸酸地多开胃，加上露荀増加口感！