影片
更多
2024-10-24
597 浏览
《特制和牛🐮沾面🍜》香味 (4/5) - 沾汁嘅香味非常够，主要闻到嘅系鲣鱼汁，同少少黑椒嘅香味，相当好闻，令人马上流口水。沾汁 (4/5) - 浓稠度够，味道有d似日式寿喜烧汁同西式烧汁嘅混合体，咸度我觉得刚刚好，完全系我理想中沾汁嘅䶢度。顺带一提，个沾汁系颇甜，唔系一味斋咸，可能因为佢想呈现寿喜烧汁嘅风味。牛肉味唔算好强，但都算有。而且，沾汁入面都颇多料架㖞，有唔少牛肉粒。面条 (3.5/5) - 中太面与太面中间啦，都算粗。个面睇落系加左颇多比重嘅全粒小麦粉，麦味都算够。不过呢，佢个碱水味系颇重，如果唔喜欢碱水味嘅朋友要注意返。挂汤方面，因为本身个汤都够浓稠，所以效果都几理想。沾晒d面落去食就刚刚好，先系甜味，咸味，鲣鱼味，再牛肉味。配料 (4/5) - 是咁的，既然叫得和牛沾面，块和牛理所当然系主角。然而，块和牛系非常之西式，极之似会响西式自助餐入面，即叫即切𠮶种牛扒🥩。肉质系嫩滑，有少少烟熏过嘅味道，牛肉味系够。如果以和牛嘅期望去食，可能会有d觉得格格不入，不过因为明显地嘅间店系食 fusion，所以我认为和牛部份算唔错，而且有两大块，交足货。估佢唔到嘅系，除左和牛外，最好食
特制和牛🐮沾面🍜
$185
12 浏览
0 赞好
0 留言
香味 (4/5) - 沾汁嘅香味非常够，主要闻到嘅系鲣鱼汁，同少少黑椒嘅香味，相当好闻，令人马上流口水。
沾汁 (4/5) - 浓稠度够，味道有d似日式寿喜烧汁同西式烧汁嘅混合体，咸度我觉得刚刚好，完全系我理想中沾汁嘅䶢度。顺带一提，个沾汁系颇甜，唔系一味斋咸，可能因为佢想呈现寿喜烧汁嘅风味。牛肉味唔算好强，但都算有。
而且，沾汁入面都颇多料架㖞，有唔少牛肉粒。
面条 (3.5/5) - 中太面与太面中间啦，都算粗。个面睇落系加左颇多比重嘅全粒小麦粉，麦味都算够。不过呢，佢个碱水味系颇重，如果唔喜欢碱水味嘅朋友要注意返。
挂汤方面，因为本身个汤都够浓稠，所以效果都几理想。沾晒d面落去食就刚刚好，先系甜味，咸味，鲣鱼味，再牛肉味。
配料 (4/5) - 是咁的，既然叫得和牛沾面，块和牛理所当然系主角。然而，块和牛系非常之西式，极之似会响西式自助餐入面，即叫即切𠮶种牛扒🥩。肉质系嫩滑，有少少烟熏过嘅味道，牛肉味系够。如果以和牛嘅期望去食，可能会有d觉得格格不入，不过因为明显地嘅间店系食 fusion，所以我认为和牛部份算唔错，而且有两大块，交足货。
估佢唔到嘅系，除左和牛外，最好食嘅系荀同椰菜。
先讲荀，我大胆地讲，佢系我食过所有荀当中最好的！非常，系非常地脆口，荀味浓郁，而且，完全冇渣，真系经一事，蔡一智，原来荀都可以咁好食！
荀
26 浏览
0 赞好
0 留言
再来系椰菜，非常爽脆甜！如果你有睇黑白大厨，安主厨最睇重嘅系咩？就系蔬菜嘅生熟度，呢堆椰菜完全系完美呈现椰菜应有嘅美味，掂呀！！
椰菜
9 浏览
0 赞好
0 留言
溏心蛋部份，跟半只，真系有d小气，咁贵嘅定价，竟然跟半只蛋！味道都够，蛋白有入味，主要系味醂嘅味，蛋香系够嘅。不过如下图，生熟度有d偏熟，我唔太钟意，生少少会更好。
海苔部份，系差！斋睇个样，以为佢好劲，但，又腍又靭，就咁食系咬唔开！个海苔冇为左碗面加添任何分数，极其量只系打卡会靓d。
到最后，加埋汤，享受埋拉面状态下嘅口感同味道，我系 enjoy 食到最后一刻，清晒！
整体 - 值得推荐 👍👍👍👍 不过大前提系，你要知道佢系 fusion 风味，唔系斋和风，而且定价稍贵。
顺带一提，可能系 SOP，厨师上个面嘅时候，会做个动作，好似以下幅图咁。不过厨师系一个菲律宾籍嘅大姐，我当时感觉系：快d放低碗面啦。有d老尴。
张贴
