香港仔周記點心茶餐廳 (已結業)

喺香港过咗晏昼三四点想食点心就梗系唔系去酒楼啦~系去点心舖，当然点心舖嘅点心相对会比较贵 ，所以都要审慎选择~ 人在中环上网查一查，香港仔嘅老牌周记喺上环开咗间分店，一于去朝圣一下~ 六点钟到去到冇乜人，所以坐低后有位貌似老细嘅男士主动过嚟介绍有咩点心好食， 两条友眼阔肚窄叫到一枱都系~ 😋本人觉得最正呢就系和风脆皮肠粉，粉皮好滑系传统肠粉𠮶种口感，有韧度但系唔系加咗薯粉𠮶只， 店员介绍佢哋系用米网~唔系用油炸鬼或者春卷皮~所以好松化，啲虾仲好大只好新鲜；😋咁另外要推介嘅就系佢嘅芒果布甸，劲多芒果布甸够香滑； 😋呃like之选z~流心西多士，视觉效果一流~不过味道就普普通通啦；😋点心之魂~虾饺烧卖嘅gimmick就系…每一只足一两重， 我觉得烧卖系啱晒食肉兽~因为真系好大嚿肉，虾饺就中规中矩；😋凤爪排骨饭呢系老店招牌，呢度都做得唔错~啲饭够松软蒸得够入味唔会硬米~ 其他点心食物都有一定水准， 不过就唔系咁特别， 埋单都唔平…不过都算物有所值！