影片
更多
2022-07-02
935 浏览
我系第1次黎呢间纯素餐厅，所以开头都揾咗一段时间。我哋由Aeon旁嘅lift 搭去9楼，去到9楼只见到健身中心嘅门口，我哋行入去问职员点去纯素餐厅，职员比咗张卡板我哋，话跟住卡板上嘅地图去行就到(其实D职员都唔太想理我哋)，我哋行到去往纯素餐厅嘅出口时，发觉要门卡先可以开门，所以惟有打电话比餐厅，叫佢哋开门比我哋。总括黎讲个人觉得比较容易行嘅路线系行外围 (详细嘅路线写咗系最尾)。呢到嘅厨师发办我会形容为悠蔬食版厨师发办，无论前菜、汤品到甜品，食物嘅味道同款式都同悠蔬食好似，当然呢到嘅卖相会比较精致，而且可以试到嘅款式比较多。呢到主要食套餐同厨师发办，个人觉得厨师发办比较有特色。套餐包括一份主菜+2份汤/小食/甜品/饮品，而厨师发办就可以品尝到12款菜式 (前菜、汤品、主菜、甜品)。我哋去当晚准备挂8号风球，好彩餐厅照常营业，当晚有唔少人光顾，当中不乏一家大细。餐厅内亦有少量素食产品可以买走，例如素冻肉同素食酱料。厨师发办 (每位$388)前菜: 生机水克非尔 (自家制有汽益生菌饮品)生机香蕉合桃面包 伴山茶油奇妙酱梅子苦瓜 拌铁观音啫喱香芒牛油果手卷益生菌饮品味道酸酸哋，似菠萝汁。梅
呢到嘅厨师发办我会形容为悠蔬食版厨师发办，无论前菜、汤品到甜品，食物嘅味道同款式都同悠蔬食好似，当然呢到嘅卖相会比较精致，而且可以试到嘅款式比较多。
呢到主要食套餐同厨师发办，个人觉得厨师发办比较有特色。套餐包括一份主菜+2份汤/小食/甜品/饮品，而厨师发办就可以品尝到12款菜式 (前菜、汤品、主菜、甜品)。我哋去当晚准备挂8号风球，好彩餐厅照常营业，当晚有唔少人光顾，当中不乏一家大细。餐厅内亦有少量素食产品可以买走，例如素冻肉同素食酱料。
厨师发办 (每位$388)
前菜:
生机水克非尔 (自家制有汽益生菌饮品)
生机香蕉合桃面包 伴山茶油奇妙酱
梅子苦瓜 拌铁观音啫喱
香芒牛油果手卷
生机水克非尔 (自家制有汽益生菌饮品)、梅子苦瓜 拌铁观音啫喱
12 浏览
0 赞好
0 留言
益生菌饮品味道酸酸哋，似菠萝汁。梅子苦瓜刚入口时味道似酸菜，之后苦瓜嘅甘味慢慢渗出。香蕉合桃面包味道、口感同香蕉蛋糕一样，底部仲食到1粒提子干。香芒牛油果手卷表面放有素肉松，中间嘅苜蓿芽放咗沙律酱，所以唔使沾豉油都好够味。
汤品:
椰菜花粟米南瓜姜汤 伴雪莲子
椰菜花粟米南瓜姜汤 伴雪莲子
11 浏览
0 赞好
0 留言
主菜:
酥脆椰菜花 配蔬果藜麦他他
红烧素狮子头
南瓜子纯素蒸蛋 伴素鹅肝酱
能量手炒生机油麦菜 (采用有机山茶油)
石斛花旗参黄耳猴头菇炖汤 配牛蒡寿司卷
能量手炒生机油麦菜
9 浏览
0 赞好
0 留言
红烧狮子头超好食，入面主要用咗豆腐同素肉，再加入甘荀粒、冬菇粒等配料，味道似老少平安，口感丰富，因为加入豆腐，所以狮子头挺身得黎，唔会好似一般素肉球咁结实，比较容易入口。
红烧素狮子头
10 浏览
0 赞好
0 留言
炸椰菜花系我嘅另一最爱，椰菜花入口似薯饼，椰菜花煮得够淋，外皮脆口。炒油麦菜用咗姜蓉调味，并且带有少少似醋嘅酸味。纯素蒸蛋似食紧糊状嘅食物，冇一般蒸蛋咁滑，整体味道比较浓，有紫菜嘅味道。
酥脆椰菜花 配蔬果藜麦他他
17 浏览
0 赞好
0 留言
石斛花旗参黄耳猴头菇炖汤、南瓜子纯素蒸蛋 伴素鹅肝酱
9 浏览
0 赞好
0 留言
甜品:
斑兰椰香生机蛋糕
陈皮海底椰红豆沙
斑兰椰香生机蛋糕
27 浏览
0 赞好
0 留言
因为我本身好钟意食椰汁类嘅菜式，所以我几欣赏斑兰椰香蛋糕，口感似纽约芝士饼，有好香浓嘅斑兰同椰汁味。
外围路线: 由地铁站C出口出发，向左转，沿电车路行，到红绿灯转角位时，左转往上山方向行大约1分钟，就会见到类似酒店嘅建筑物写住康兰居，推玻璃门入去直行会见到有lift，𠮶部lift就可以直达纯素餐厅门口，而唔使经过健身中心咁麻烦。
张贴
