越男仔 (已結業)

本人从来无去过越南，除咗因为远，亦都系因为无钱…打工仔嘅辛酸.....放假时间就拉左老公去左食我钟意食既越南汤粉。所以如果想有去过越南嘅感觉，最好系去食越南菜。虽然呢间sell嘅唔系正宗越南菜，但系菜式嘅味道非常之适合香港人。餐牌上面唔少得嘅就梗系檬粉啦，仲有唔少小食同配菜拣，去多几次都唔会闷叫左个冰镇蜜糖冻蕃茄做前菜，凉浸浸咁，而且酸酸甜甜嘅蕃茄仔食落好消暑，绝对系夏日之选我拣左个招牌手撕鸡拼扎肉椰汁酸汤汤蒙粉，手撕鸡嫩滑而且锁咗啲啲汤汁，椰汁嘅甜味中和咗汤蒙酸味，食落味道有层次身为蟹痴的我系餐牌见到招牌原只软壳蟹就梗系唔会放过！软壳蟹嘅蒜香非常香浓，辣辣地脆卜卜，不论系大人定小朋友都一定会钟意，加上炸得香口又唔油，真心好好味呀！！老公亦叫左法式芝心虾多士，芝士溶到会流出嚟咁制，同入面嘅虾非常夹，加上上面嘅芝麻令香口度倍增不少，系高分之作！同埋也点了碗胡志明市红蕃茄猪扒拼扎肉汤檬粉，虽然呢碗檬粉红当当咁，但系其实真系酸度适中，非常开胃，猪扒肉质鲜嫩唔会韧饮埋杯香茅姜蜜更感完满！香茅嘅香味系蜜糖嘅衬托下更加突出，而且因为有姜，所以微辣，味道清新又健康！