越男仔 (已搬遷) 新店位置

一间主打越南fusion菜嘅餐厅,有多种而想不到嘅菜式。男朋友叫嘅胡志明市红番茄四宝汤檬粉,有齐晒猪扒,扎肉,脆猪肉同猪颈肉再配上已洋葱新鲜蕃茄炮制而成嘅番茄汤底,够晒浓郁里边仲有生菜丝洋葱干蒜头干葱头,系浓味之选,好正。炎炎夏日我就比较钟意食清爽D嘅捞檬,今次食嘅就比较特别有埋芝士配上炸酱同烧猪颈肉。芝士用火枪微微烧过,配上爽口嘅烧猪颈肉同埋惹味嘅炸酱牛肉加上酸酸甜甜带有微辣嘅捞檬汁邪恶得黎带点清新。惊喜又而想不到嘅小食之一,当大大嚿嘅鲜甜海胆遇上手撕鸡,够晒新颖有惊喜,配上微微酸甜嘅酱汁,感觉鲜味又清新。鸡翼迷必试,有3款特色鸡翼,我就偏爱蒜香牛油脆鸡翼,炸得香脆嘅外皮充满牛油香,再加上重口味嘅蒜蓉。依一个系喺台湾高雄啤酒节得奖菜式,一定衬热食,充满芝麻香又弹牙嘅虾多士,配上邪恶嘅流心芝士,冇可能会吾好食。