Hunger Point (已結業)

星期六同朋友去观塘apm行街，知道骆驼漆大厦楼上开咗间fusion菜，墨西哥菜同港式日式fusion比较新颖， 就上去品尝。食素嘅朋友就有口福啦，Hunger Point提供素食，天多利玉子豆腐配烤南瓜，我哋拣咗半饭/ 半沙律 。沙律菜，玉子豆腐同南瓜摆盘已经好精致， 加上好味嘅酱汁， 配合埋涨卜卜嘅米饭一齐食， 口感清爽又饱肚。另外我哋要咗Taco Set(3件装)， 包括有墨西哥辣鸡墨西哥夹饼，吉列虾墨西哥夹饼，港式沙爹牛肉墨西哥夹饼，餐汤配多士。番茄餐汤浓郁，里面有薯仔颗，香味口感都一流，多士都非常香脆可口。三个墨西哥夹饼分别放喺一个别致架里面， 仲有三款酱汁可供选择， 墨西哥辣鸡，吉列虾 ，沙爹牛肉加上新鲜嘅沙律菜 ，包系薄薄嘅墨西哥夹饼里面。 鸡肉和虾肉都好弹牙，港式沙爹牛肉较淋滑，fusion得黎好有特色， 配合埋沙律菜一齐食， 一次过吃到唔同嘅风味 ，感觉好满足。Taco Set可以选择埋饮品，有道地绿茶，玻璃樽嘅汽水，罐装汽水，泰国有气水。