影片
更多
2019-05-13
129 浏览
相信唔少人对兰桂坊嘅第一印象都系夜夜笙歌、狂欢畅饮嘅地方，而无留意到兰桂坊其实亦都系云集多国美食，有唔少高格调餐厅嘅好地方。今次同朋友去左间叫做红楼嘅餐厅，一听个名忍唔住联想系咪同红楼梦有关，上到去发现原来系间中菜馆，装潢煣合左中西式元素，装饰、气氛都几有格调，散发住时尚、新派嘅感觉，台上嘅碗、碟、杯等简约而别致，而餐厅空间感十足，予人舒适同高私稳度嘅感觉，而我地坐系靠窗位置，仲可以放眼睇到香港夜景嘅美，未食先有感观上嘅享受。香槟金虾饺食得点心，点会少得叫返笼虾饺食，虾饺皮够透簿，而且带少少粉红色，仲可以隐约睇到皮入面粒粒饱满肥美嘅虾仁，上面仲有少少金粉做装饰，为传统嘅点心加上左高贵嘅格调。入口无失望，皮果然够簿，而虾亦够大够弹牙，调味亦够，同朋友毫不犹豫地秒KO左个点心。珍菌黑松露球新派点心，佢嘅味道有D似咸水角，但表面系用左黑松露同黑芝麻系整，闻起黎非常香口，入口新鲜热辣，而内馅调味刚好GE珍菌同肉碎，口感QQ脆脆，几好食！黑豚肉叉烧皇好食嘅叉烧愈来愈难揾，呢度嘅叉烧系用黑豚肉整，叉烧相当嫩滑，而且肥瘦均匀，蜜汁因为底下嘅火慢慢烧慢慢渗入叉烧入面，好好食！非常Juicy！如果俾多只
相信唔少人对兰桂坊嘅第一印象都系夜夜笙歌、狂欢畅饮嘅地方，而无留意到兰桂坊其实亦都系云集多国美食，有唔少高格调餐厅嘅好地方。
今次同朋友去左间叫做红楼嘅餐厅，一听个名忍唔住联想系咪同红楼梦有关，上到去发现原来系间中菜馆，装潢煣合左中西式元素，装饰、气氛都几有格调，散发住时尚、新派嘅感觉，台上嘅碗、碟、杯等简约而别致，而餐厅空间感十足，予人舒适同高私稳度嘅感觉，而我地坐系靠窗位置，仲可以放眼睇到香港夜景嘅美，未食先有感观上嘅享受。
香槟金虾饺
食得点心，点会少得叫返笼虾饺食，虾饺皮够透簿，而且带少少粉红色，仲可以隐约睇到皮入面粒粒饱满肥美嘅虾仁，上面仲有少少金粉做装饰，为传统嘅点心加上左高贵嘅格调。入口无失望，皮果然够簿，而虾亦够大够弹牙，调味亦够，同朋友毫不犹豫地秒KO左个点心。
珍菌黑松露球
新派点心，佢嘅味道有D似咸水角，但表面系用左黑松露同黑芝麻系整，闻起黎非常香口，入口新鲜热辣，而内馅调味刚好GE珍菌同肉碎，口感QQ脆脆，几好食！
黑豚肉叉烧皇
好食嘅叉烧愈来愈难揾，呢度嘅叉烧系用黑豚肉整，叉烧相当嫩滑，而且肥瘦均匀，蜜汁因为底下嘅火慢慢烧慢慢渗入叉烧入面，好好食！非常Juicy！如果俾多只半生熟蛋我个拌饭，仲正！
姜汁龙须芥兰
即炒芥兰，够火喉同镬气，芥兰够翠绿同清甜，咸度亦适中，带少少姜味，岩哂落雨天凉凉嘅天气食。
红楼招牌炒饭，炒饭煮得好香同好入味，口感十足嘅炒饭，事关入面有蟹肉、蟹籽、菜心、叉烧粒、虾仁、蛋花、葱花等D饭粒粒粒分明，软硬刚好，亦炒得够干身，好有咬口，同埋好入味。
浓汤鸭丝泡饭
泡饭个浓汤非常好饮，店家好贴心即葱花、莞茜、芝麻等另上，如果食客唔钟意的话，可以选择唔落，泡饭同样足料，入面有唔少GE鸭丝，另外仲可以加埋脆米，令到食客除左食到软绵GE口感外，仲可以食到香脆口感。
杞子桂花糕
甜品卖相同样吸睛，晶盈GE桂花糕入面有原粒杞子，入口清凉香甜，为呢一餐饭画上完美GE句号。
今餐好满足，系个有好西食，而又有格调GE好餐厅，而重点系系兰桂坊黎讲，价格一D都唔算高。
张贴
