Greyhound Café (海運大廈)

营业中

休息中

之前听亲戚介绍过几次呢间餐厅，一直都想揾机会试吓，终于有个朋友喺楼上返工所以约佢喺呢一度食饭。装修格局系西餐厅，当然餐牌入面都有西餐同埋泰菜，咁啱我哋三个都系拣泰式嘅菜。头盘有粟米汤同沙律两款选择，两本都系西式，卖相唔错水准亦合格。估唔到主菜又有汤，需然是泰式汤，但系短时间内真系饮唔到两个汤，应该系个餐牌写得更加清晰一点，头盘唔使再拣汤。啖啖蟹肉黄咖喱饭个名好吸引，我食落感觉蟹肉份量都系唔够多，咖喱如果有少许辣会更加开胃。Phad Thai 泰式金边粉冇乜特别，水准合格。海南鸡饭嘅鸡份量都几多同几滑，但油饭就普通一啲啦，唔够香。泰式奶茶相对上正宗，但只有冻饮无热饮比较奇怪一D。最后加钱（跟餐半价）叫了一个椰子同芒果蛋糕，呢两个真系完全西式嘅蛋糕都唔错。佢哋一啲都唔够fusion ，创意唔够，反之一系做正宗嘅泰菜或者正宗嘅西餐会更加好。以呢个价钱性价比唔高。