Mango Tree Café (已結業)

平日嘅晚上经过Yoho Mall嘅Mango Tree Cafe, 未到7点店入面好似已经有d满，见佢有个一周年特价主菜，望落都好似几吸引，于是就入左去食好西喇！星期一至四嘅晚饭时间佢每日都有一款特价小菜，入到嚟唔试下又好似好唔抵咁。今晚轮到森巴牛仔骨煲 （半价左 $74），我都唔执输叫番个先。由于肚饿嘅关系，所以另外叫左个芝士黄咖哩大头虾伊面，个伊面价钱唔平，但幅相好吸引到我！先嚟左个森巴牛仔骨煲先，虽然佢做紧半价，但份量一d都唔细！牛仔骨有好多件，不过就唔算系好多肉，好惹味同开胃，两个人食完个牛仔骨煲都已经饱左一半喇！另一个重头戏系芝士黄咖哩大头虾焗伊面，一上枱已经觉得颜色好靓，食欲大开！！黄咖哩好香，唔辣，而且同佢幅图个样都差得唔远。味道唔会好浓，但系都好够味，只大头虾都好大只！唔错唔错！虽然呢餐唔平，不过食物系有水准嘅，下次可以再去试下其他食物！