Sticks & Fire

营业中

休息中

菲律宾大虾菜酸辣汤 $148份量十足，酸辣得嚟又唔会过份刺激，好啱我呢啲钟意食酸辣嘢嘅人。汤底用料足，大虾肉质鲜甜，仲有大量蔬菜，绝对值回票价！香辣蒜片大虾 $78大虾好新鲜，肉质弹牙，唔会干身，蒜片炒得香脆，辣味适中，唔会太过刺激，同大虾嘅鲜味完美结合，铁板嘅设计令到虾肉更加香脆，而且仲可以保持热度，食到最后都仲系热辣辣，非常满足！芝士焗龙虾扁面条 $68，逢星期三特价抵食到爆！芝士焗得香浓，龙虾肉亦鲜嫩弹牙，配埋扁面条食，真系一流！不过，要注意星期三先至有特价，唔系就贵啲。五花肉配花生咖喱午餐 $58份量都算多，五花肉外层炸得香脆可口里面嘅肉炆得软腍，配埋香浓惹味花生咖喱同埋特色虾酱，更加惹味，系一个唔错嘅选择。逢星期五、六晚，仲有菲律宾人music show表演，岩晒同朋友happy hour 聚餐,店员态度友善，服务效率高。