kikusan (已結業)

今次要介绍嘅餐厅系喺香港有两间店嘅Kikusan，主打上海菜同日式菜嘅fusion菜式。Kikusan卷 $78见好多人都推荐依款菜式，加上用自己餐厅名作为菜式名都应该系成名菜，所以就决定试下。外观方面颇有冲击力，有八个吞拿鱼蓉卷上面加上唔少份量嘅海胆，再喺四周布满三文鱼子同葱花，份量充足。味道方面吞拿鱼蓉同海胆都极为美味，惟三文鱼子唔够结实较为失色，整体而言仍是极为抵食嘅菜式。炭烧牛肉配饭 $158一款午市定食，前菜有小笼包同菠菜虾饺，两款都系新鲜出炉热辣辣，食𠮶阵时要小心，用料亦都好充足，虾饺馅料嘅菠菜同虾令人有惊喜嘅配搭，质素亦都唔错。相反，炭烧牛肉就相对令人失望，牛肉好薄，炭味比牛肉本身嘅味道仲重，只有沾返酱汁先较容易接受。依款午市定食唔算抵食，建议大家可以试下其他菜式。