Greyhound Café (新城市廣場) (已結業)

今日同男朋友去左沙田果边食野，拣左食greyhound,喱度嘅环境都几有feel ,坐都坐得好舒服啵！ 小食我地叫左薄切三文鱼配泰式辣汁同埋招牌脆炸单骨鸡翼，个三文鱼好好食，佢上边有一啲蒜头，配埋个泰式辣汁食非常之惹味，而且个三文鱼好新鲜。完全冇谂过三文鱼系可以配泰式嘅辣汁，呢个系会再食之选。个鸡翼炸得非常之香口，又唔会太熟，仲有少少肉汁，份量亦都非常多，好味！主菜方面我哋就叫咗泰式部队锅面同埋淡淡蟹肉黄咖喱饭！首先想讲下呢𠮶个蟹肉黄咖喱饭，真系好有惊喜，因为劲多蟹肉，而且个咖喱唔算太辣，有阵阵椰香，最出色系佢配埋一个辣嘅鱼露食，就更能将味道带出，当中仲有一个咸菜瘦肉汤，呢个汤真系好好饮，劲甜，完全冇落味精，配埋个蟹肉饭食，可以解腻，呢个饭真系极之好味！而个泰式部队锅面味道都非常好，而且有好多海鲜， 例如虾，带子，青口，个汤底亦都唔算太辣。食完主菜当然系要食甜品，我哋叫咗两款口味嘅千层蛋糕，分别系椰子千层蛋糕同埋泰茶千层蛋糕，因为呢两种口味都比较特别，系出边都难揾到。个椰子千层蛋糕好香椰子味，而且仲有少少嘅椰肉，个cream有好smooth !而个泰茶味道亦都非常好，好浓郁，唔算太甜。