Happy Paradise (已結業)

Book左7点食饭，但朋友生日唯有早啲拎蛋糕到餐厅，自己一个饮反杯cocktail，个Bar当然系打卡位啦。个个黎都叫嘅鸡蛋仔配乌鱼子酱仲有麻婆豆腐Dip 中间发生左小插曲，就系我挂住影相，推跌左杯酒。店员好好即刻清理，再倒过杯比我。中间个Asparagus Salad 就无影到啦。之后就到重点，呢个黄酒鸡绍兴酒冬菇汤拌菊花炒饭真系好好味，可以再翻兜。因为个鸡坚系好滑连埋皮都唔会觉得肥，而个饭又吸左黄酒同冬菇汤嘅味，一粒粒软硬适中。之后就到香煎澳洲和牛胸腹肉炒粉，个粉虽然有柠檬皮但一啲都唔令人抗拒，我觉得个粉仲好食过和牛🙈，如果多啲粉就更加开心啲。唯一遗憾就系甜品得一款Mochi Apple Pie，如果有多啲选择就好啦。