影片
更多
2015-01-30
187 浏览
Ga Ki Nang (家己侬)...虽然小妹唔系真正既潮州人，但细个既时候已经成日抆衫尾同亲戚去潮式茶楼同菜馆食野!每次一食就唔停得口，食饱饱仲要叹番杯功夫茶...谂起就开心啦!!!今次好高兴又可以同一班好朋友同PR去旺角新世纪广场既百乐潮州酒楼试食潮州菜。事不宜迟，一齐睇下小妹地食左D咩菜啦!!!第一味为大家送上既系凉拌鱼皮 (~$48)!!!爽口既鱼皮以惹味既鱼露再配上姜丝、红椒、芹丝等凉拌而成，美味之余亦十分醒胃，正正为丰富既晚餐揭开序幕!!!除左鱼皮做头盘醒醒胃，不得不提仲有秘制生腌蛳蚶(~$48)添~~蛳蚶鲜甜可口，而秘制酱汁浓度恰度好处，唔会抢走蛳蚶既新鲜味道，而且有少少辣椒更加带出蛳蚶既鲜味!!!去食潮州菜，小妹又点会错过试下佢地出名既打冷名菜呀!!!登登登登...白烚冻花蟹王(时价)~~WOW!!!两只大大既花蟹，单单蟹盖已经有手掌般大啦!!!而师傅仲好贴心，白烚大花蟹之后，就将它斩件成易食既大细上碟，食起上黎好易，好岩小妹依D懒人，当然都好岩同老人家同小朋友一齐食啦!!!蟹肉新鲜美味，而且蟹肉好结实，完全唔洗醮酱汁都好好味啦，而且D蟹膏又多又香，真系好想一试再试呀!
Ga Ki Nang (家己侬)...虽然小妹唔系真正既潮州人，但细个既时候已经成日抆衫尾同亲戚去潮式茶楼同菜馆食野!每次一食就唔停得口，食饱饱仲要叹番杯功夫茶...谂起就开心啦!!!
今次好高兴又可以同一班好朋友同PR去旺角新世纪广场既百乐潮州酒楼试食潮州菜。事不宜迟，一齐睇下小妹地食左D咩菜啦!!!
第一味为大家送上既系凉拌鱼皮 (~$48)!!!
爽口既鱼皮以惹味既鱼露再配上姜丝、红椒、芹丝等凉拌而成，美味之余亦十分醒胃，正正为丰富既晚餐揭开序幕!!!除左鱼皮做头盘醒醒胃，不得不提仲有秘制生腌蛳蚶(~$48)添~~
蛳蚶鲜甜可口，而秘制酱汁浓度恰度好处，唔会抢走蛳蚶既新鲜味道，而且有少少辣椒更加带出蛳蚶既鲜味!!!去食潮州菜，小妹又点会错过试下佢地出名既打冷名菜呀!!!
登登登登...白烚冻花蟹王(时价)~~
WOW!!!两只大大既花蟹，单单蟹盖已经有手掌般大啦!!!而师傅仲好贴心，白烚大花蟹之后，就将它斩件成易食既大细上碟，食起上黎好易，好岩小妹依D懒人，当然都好岩同老人家同小朋友一齐食啦!!!
蟹肉新鲜美味，而且蟹肉好结实，完全唔洗醮酱汁都好好味啦，而且D蟹膏又多又香，真系好想一试再试呀!!
你地睇单单蟹钳既肉已经咁大旧，啖啖肉，so nice!!!(小妹个贪食样都出左黎啦!!HAHA!!!)
卤水菜式又系潮州菜中Must食之选啦!!!小妹同朋友就有幸试到三款不同既卤水菜式!!!
第一款唔少得当然系潮州卤水拼盘(~$350)啦!!!
一碟既卤水拼盘入面有小妹最爱既鹅肉啦!再有次爱既豆腐，仲有猪耳、鹅肠、大肠等!!!鹅肉唔只有浓浓既卤水香味，而且卤到鹅肉好「林」好入味，但一D都冇好咸既感觉~~
豆腐又系好香，好入味之余，仲外有小小咬口，个心就好滑，大爱呀!!!
第二味不可不试就系卤水猪蹄筋 (~$88)~~
一旧旧好重骨胶原既猪蹄筋，烟韧弹牙，女士们一定会好钟意呀!最后一味既卤水菜式就系卤水鹅肝 (~$120)~~
虽然小妹平日真系好少会食鹅肝...HAHA因为担心自己会胆固醇超标呀!!但今次都俾佢吸引到食左一块，入口即溶，但鹅肝香气即使鹅肝溶化后都依然齿夹留香!!
食左7样佳肴，又点可以缺少美酒呢!!!今次有幸第一次试到野猪啤 (~$38一瓶)...
之前都听朋友讲野猪啤酒既白麦味好香，而且好易入口，女士们好适合饮，今次一试就真系不能同意多一点呀!!!小妹都不经不觉饮左差不多三枝呀!!!香煎蚝仔烙 (~$198)又系食潮州菜常点既菜式~~
煎得金黄色既蚝仔烙内既蚝肉很大呀!!!但由于小妹比较怕食蛋的食物，所以只系轻轻试左一口，味道不错!!!喜欢蚝仔烙既朋友真的要一试!!!潮州粥品又系潮州菜既一出名食品，小时候都有问过籍贯潮州既亲戚教路煮潮州粥，但每次只能煮出粥既外观，但煮唔到外面食到既香味~~
今次有两款粥，分别系方鱼肉碎粥($96一窝)及蚝仔粥(~$110一窝)，小妹因为先前食左蚝仔烙，所以就拣左头者一试~~
粥有鱼香，只要加上少少胡椒粉就可以再将鲜味带出更上一层楼~~另外，小妹同朋友都试左好多不同既菜就好似有豉油皇煎仓鱼球(~$208)
唔识吐骨既朋友就好岩啦!!!已经起肉既鱼块煎至金黄色鲜香美味!!!另一味金黄色的就有潮阳炸双枣 (~104八粒)
双枣分别是虾枣和蟹枣，两者中虾枣比较弹牙有口感，小妹就比较喜欢，但蟹枣口感及味道亦十分不错的。单单一两粒真的会不够喉呀!!!另外两味咸食分别为沙爹牛肉炒芥兰 (~$98) 及碧绿川椒鸡球 (~$108)...
沙爹味香浓，而牛肉又不会太老身，味道同火侯恰到好处!!!而鸡球虽然炸香外层，但肉质可以保持到嫩滑，相当不错~~~
食完多味咸食，又点可以唔试埋D甜食呢?!首先有我的最爱最考功夫功架的反砂芋条 (~$98)
由于反砂芋就是把芋头加上砂糖不停炒香，炒香的过程中砂糖首先会熔成糖浆，然后包裹芋头，再之后糖浆又会转回糖砂在芋头的外层挂着...由于时间及心思需多，所以越来越少地方可以食到!!!今次十分幸运，食到的反砂芋香口，而且甜味适中，食完一块马上就想食第二块了!!!
由于小妹真的是一个芋迷，单单反砂芋真的不足满足胃口大大的小妹，所以还有另一味芋头制成的甜点，福果甜芋泥 (~$35)
甜甜的芋泥由香香的猪油炒成，虽然食起上黎有D腻口，但喜欢芋头的人一定会爱不释手!!!小妹当日都大破戒，一口气食左两碗~~食完马上就想到肥死啦!!!但真的太吸引了!!!
最后还有鸳鸯水晶包 (~$42)，但小妹真的饱饱了，所以未有一试，但见到晶莹剔透的外皮包住满满的甜涵，相信一定十分可口!!!
完美的潮州茶点可以系功夫茶作终结呢?!一杯杯热腾腾的香茶去了晚餐的饱腻感，还为晚餐画上完美的句号!!!
张贴
