影片
更多
2016-10-07
9208 浏览
终于到友人请食饭啦, 等到颈到长埋, 对上一次一齐食饭已经系年半之前既事情 (在下请既三星米芝莲餐厅 - 厨魔). 今次友人提议到半岛酒店吉地士食番餐法国菜, 原因系佢对传统法国菜情有独钟 (者系唔要泡泡, 唔要份子料理果啲整色整水既野), 不过入到餐厅坐底之后侍者告之大厨已转, 而家由Xavier Boyer睇场, 佢之前喺robuchon做过, 主打 “Modern Classic” (佢自己喺网上系咁写架, 唔系在下老作~), 友人听到似乎有啲失落, 担心会见唔到 “传统” 呢两字.而在下则同友人调转晒, 识在下既朋友都知在下钟意搞呢搞路, 冇果样整果样, 几年前去过Gaddi’s, 对佢贴晒地既法国菜冇咩大好感. 而家大厨转左, 上网睇相见到啲菜式卖相, 似乎行紧Contemporary French路线 (在下既最爱), 所以满分期待~餐厅虽然属于酒店, 不过入口并唔系喺酒店入面, 佢太高级了, 高级到喺酒店侧边有个私家入口同专用电梯~<餐厅来头>首先解释下: 点解要花时间花气力讲下餐厅来头? 因为第时你地带另一半黎呢度食饭, 人地问你点解要简呢间餐厅, 呢间
而在下则同友人调转晒, 识在下既朋友都知在下钟意搞呢搞路, 冇果样整果样, 几年前去过Gaddi’s, 对佢贴晒地既法国菜冇咩大好感. 而家大厨转左, 上网睇相见到啲菜式卖相, 似乎行紧Contemporary French路线 (在下既最爱), 所以满分期待~
餐厅虽然属于酒店, 不过入口并唔系喺酒店入面, 佢太高级了, 高级到喺酒店侧边有个私家入口同专用电梯~
<餐厅来头>首先解释下: 点解要花时间花气力讲下餐厅来头? 因为第时你地带另一半黎呢度食饭, 人地问你点解要简呢间餐厅, 呢间餐厅有咩咁好既时候, 你唔驶口窒窒答, 呢间..餐厅..好..好好啰, 而且知名度高, 又出名, 最紧要多人识… 之类既低能答案~ 人类喜欢听故仔, 食饭之前介绍下餐厅, 除左减少dead air, 仲暗地里表逹出你系有做过功课, 唔系求3x3其简~
餐厅大有来头, 论资排辈如果佢认第二, 无人敢认第一, Gaddi’s 如无意外系全香港最历史悠久既法国餐厅, 1953年开业至今, 足足63年, 大过家严家慈了… 虽然餐厅 “上左年纪”, 但估计有不停翻新, keep住咁靓咁新净, 唔会见到一丝疲态, 既然系咁, 佢可以点表逹佢德高望重既地位呢? 就系佢部专属电梯啦~ 电梯依然采用油压式, 咩叫油压式? 唔知唔紧要, 总之就系好鬼慢, 由闩门到上一层 (冇错, 只系由地下到一楼), 足足用左半分钟有突.. 如果喺IFC, 半分钟已经唔知去到几多十楼了~
餐厅另一特式就系佢既dresscode要求, 黎食夜晚既男士们一定要著西装褛, 咁 “传统” 既要求, 香港应该只此一家. 中午就casual啲, 唔驶西装褛, 不过business attire系基本野 (者系最好都系恤衫西裤啦). 不过, 凡事总有例外, 而例外则不适用于凡人… 当日餐厅有一位非凡既座上客 - 无线电视前高层 (搞饭局果个呢), 佢朋友似乎著果对系reebok黎架㖞, 唛原来reebok都有出皮鞋架咩?? 饶恕在下孤陋寡闻… (又或者系在下眼花~哈~)
而呢度另外一个热话就系全香港咁多间高级法国菜, 唯独Gaddi’s 拎唔到米芝莲星星… 当年 (都已经系7 年前既事, 果时啱啱出米芝莲) 在下黎呢度见工揾summer placement, 去到last round 见F&B Director, in 完之后佢问在下有冇问题想问, 羽翼未丰既在下不讳直问: 你地半岛咁多间dining outlets, 一粒星都拎唔到, 你点睇呢? 个Director气定神闲, 反问一句: 当添好运都拎到一粒星, 你觉得呢粒星仲有咩咁紧要? 在下当堂被霸气吓窒, 无言以对~
至于最后in 唔in 得成?? 咁串嘴, 咁梗系得啦, 不过在下无做~ 去左Amber, 哈哈, 因为人家有两粒星, 而且仲识到今日一齐晋餐既友人添~
<叫野食>好, 入番正题讲番餐饭, 上到餐厅即刻有人黎greeting, 带领入座后指定动作: still or sparkling, 然后就奉上餐牌. Lunch Set 一共有两款, 一款系degustation menu, 索价过千per person, 当然就唔系今日既目标, 另一款就系weekend lunch menu, 4 个courses 包咖啡茶, 每位盛惠$618.
<FOOD>Menu: Weekend Lunch Menu (4 courses)
Price: $618 per person
Amuse Bouche – Anchovy Stick, Parmesan Biscuit, Confit Chicken
开胃菜 – 鳀鱼面包条, 巴马臣芝士饼干, 慢煮鸡粒
好味指数: 4/5
Amuse Bouche – Anchovy Stick, Parmesan Biscuit, Confit Chicken
125 浏览
0 赞好
0 留言
Bread and Butter
面包篮
好味指数: 4/5
Bread and Butter
72 浏览
0 赞好
0 留言
Bread and Butter
73 浏览
0 赞好
0 留言
不过, Baguette 不嬲都唔系在下杯茶, 所以在下冇食到, 反而个onion and bacon roll好惊喜, 其实个包望落去都已经知道会好食, 刚焗起冇耐既酥皮, 保持微暖而同时散发住香喷喷既牛油味, 放落口见真章, 酥皮做得靓, 够薄够脆又唔会食到成口油, 加埋邪恶既烟肉同惹味洋葱, 真系揾唔到唔好食既理由.
之不过, 若然要比较Bread Basket, 讲多一次, 全香港最掂既包篮喺置地既robuchon… 款式味道真系赢其他餐厅数以街计 (一条街既距离已不足以形容)
1st course
Puy lentils in lightly spicy dressing served with sliced foie gras and crunchy vegetables
兰度豆配鹅肝片及蔬菜
好味指数: 8/10
Puy lentils in lightly spicy dressing served with sliced foie gras and crunchy vegetables
114 浏览
0 赞好
0 留言
Puy lentils in lightly spicy dressing served with sliced foie gras and crunchy vegetables
70 浏览
0 赞好
0 留言
上到枱, 卖相唔多吸引, 圆形既豆俾一个黄色六角形框住… 咩料… 完全唔知想点, 真系艺术呢啲野, 在下识条夏秋冬~
在下对兰度豆本身麻麻 (又唔系话憎既, 唔系特别钟意啰), 淋身既兰度豆加左啲碎杏仁, 咬落去有层次好多, 至于放面既有唔同种类既蔬菜, 最抢眼就系红radish同黑radish (红黑红黑, 果然有Robuchon既影子...), 予人清爽口感. 亮点依然系鹅肝 (其实系鹅肝酱), 香滑味浓, 正! 足以抢晒楼下豆豆既戏份.
Scottish smoked salmon and green bean salad with tomato coulis
苏格兰烟三文鱼配青豆沙律及蕃茄蓉
友人既前菜, 卖相比在下既好, 不过无得试食, 不予置评~2nd course
Poached and deep-fried pig trotter with a classic ravigote sauce (推荐!)
炸猪腿配法式传统芥苿酱
好味指数: 9/10
Poached and deep-fried pig trotter with a classic ravigote sauce
85 浏览
0 赞好
0 留言
伴菜仲有1.5只鹌鹑蛋 (开边上), 蛋上面放左一pat用鹌鹑蛋黄整既mayonnaise sauce, 咁整法又真系几好味㖞… 不过, 佢好似同只猪冇咩关连, 只蛋搭枱渣嘛…
3rd course (main)
American sirloin with horseradish and seasonal vegetables (回水!!!)
美国西冷配时蔬
好味指数: 3/10
American sirloin with horseradish and seasonal vegetables
35 浏览
0 赞好
0 留言
American sirloin with horseradish and seasonal vegetables
47 浏览
0 赞好
0 留言
侍者推介呢道西冷同带子, 带子被友人叫左, 咁在下唯有叫西冷. 要求Medium, 出黎对板, 不过味道就唔对板啦, 仲好意思话系推介菜式. 先讲卖相, 六“粒”西冷肉围住棵菜, 家阵中秋应节六星伴月吗? 致命伤系肉粒上面啲青红黄椒, 令到成件事好cheap…在下以为楼下啲茶餐厅先会咁做, 估唔到喺度出现, 难听啲讲句, 唔系presentation差咁简单, 而系冇presentation 可言.
味道, 比卖相更差…唉… 牛味淡薄, 唔juicy, 唔tender (咬落去仲有少少韧), 毙上加毙系on side既肉汁, 谂住淋少少落去救下火, 俾番啲味道佢, 点知系火上加油, 肉汁过咸, 仲衰过唔加… 失望到一个点…
或者以上既评语系harsh左啲, 佢亦未至于去到 “俾汪汪食” 既级数, 但在下完全冇预过会喺半岛Gaddi’s遇到咁劣质既一道菜. 任何菜式都有失手既机会, 在下明白, 不过喺主菜环节失手系大忌中既大忌, 足以ruin左一大半dining experience.
Pan-fried Hokkaido scallops on fregola sarda pasta risotto, lobster emulsion with yellow wine
煎带子配意大利饭, 黄酒龙虾汁
友人既带子主菜, 摆碟同西冷一样, 又系6粒围圈圈, 似乎大厨喺摆碟上已经黔驴技穷… 一赞既系portion, 足足有成6粒咁多, 友人做饮食业, 知道food cost大概几多, 所以不禁大赞餐厅慷慨.在下有幸得以拖舍, 偷偷食左友人一只带子, 味道唔错, 生熟程度啱啱好, 不过对比起在下喺petrus食果只, 质素有点距离, 未够香, 未够甜. 而友人亦都系带子爱好者, 佢话唔系卖花赞花香, Amber既带子先系天下第一! size大呢道一倍, 鲜甜味更出, 同呢度比起, 就好似天堂与地狱... 冇...咁又冇争咁远, 天堂与人间啦~
4th course (dessert)
Baked almond and plum tart with champagne ice cream
焗杏仁布冧挞配香槟雪糕
好味指数: 8/10
Baked almond and plum tart with champagne ice cream
56 浏览
0 赞好
0 留言
Baked almond and plum tart with champagne ice cream
82 浏览
1 赞好
0 留言
不过友人弹个摆碟唔够user friendly, 个几条螺旋桨好碍手碍脚, 令人无从入手, 在下则觉得冇咩大问题, well, 各花入各眼, 食野从来都系咁主观架啦~
Petit Four
西式美点双辉
好味指数: 4/5
Petit Four
30 浏览
0 赞好
0 留言
<DRINKS>
Sparkling Water – Badiot
Price: $108
Coffee or Tea - Double Espresso
Price: Included
Coffee or Tea - Double Espresso
76 浏览
0 赞好
0 留言
其他review在下好少讲咖啡茶, 因为都系正常野, 不过呢杯真系又要讲一讲, 咖啡味香, 甘苦同酸味既比例啱啱系在下杯茶… umum, 杯咖啡系在下杯茶…会唔会有啲乱… anyway, 一生人饮过咁多杯咖啡, 呢杯系其中一杯最还悏意的, nice!
<OVERALL COMMENT>
野食COMMENT
野食好老实讲, 真系中规中矩, 你话难食一定唔系 (个主菜西冷除外), 但你话好好味又似乎讲唔过去, 食完成餐饭都冇咩边道菜值得回味, 惊喜更加讲唔上 (都算有既… 个主菜差成咁… 够晒惊… 不过系惊吓啰~). 在下明白餐厅走传统路线, 雕龙雕凤既卖相欠奉在下一早预左, 但餐厅既然知道唔行得偶像派, 咁就应该更加努力去做一个实力派, 用味道俘虏食客, 用味道弥补卖相既不足… 但而家睇又唔睇得, 打又唔打得… 大失所望.
传闻米芝莲只会评食物质素, 环境服务一概唔睇, 倘若真的如此, Gaddi’s 连一粒米芝莲星星都拎唔到其实一啲都唔难理解…在下喺可见既将来应该都唔会再次到访, 但如果有日真系番黎, 希望唔会再带住失望离开.
服务COMMENT
所谓相由心生 (意思即系样好自然心地好… 在下系咁理解呢句成语的…), 所以, 样, 系好很紧要的, 正如食神套戏话斋, 如果厨师样衰既话, 食客望到都冇心情品尝美食. 在下平时绝少对侍者本身既样貌身材评头品足, 始终呢啲系不能控制既factor (喺韩国食饭除外), 你总不能怪人地母亲… 不过, 呢度既侍者真系又值得讲下, 佢地好明显系被精心挑选过, 在下唔敢讲个个都系金城武, 但大部份都系黄晓明啰… 有咩理由十个有八个都差唔多成1米8, model身型, 著住套黑色西装型到爆, 做咩者而家… 人家黎食餐饭, 而家搞到自卑晒…
面就爆分啦, 咁里呢? 半岛酒店既服务不嬲都系属于教材式, 每一位侍者都话到俾你听咩叫 “专业”, 一举手, 一投足 (介绍菜式, 放刀叉, 落𩠌, 收碟, etc…) 都俾到一种好 “pro”既感觉, 佢地既pro系pro到你feel到~ (绝无夸张成份, 真系赢其他五星酒店餐厅一大段距离). 笑容呢啲唔驶特别讲, 个个都好似咬住果旧C朗既低能微笑神器黎番工, 无时无刻都挂住笑容, 真系想问, 唔攰吗?
细心既服务亦都系呢度既强项, 食完每道菜侍者都会问下岩唔啱食 (唔似得喺Petrus, 在下剩系食左一啖配菜就黎问你好唔好食, 叫人点答呢). 起身去洗手间会有侍者一路带到去门口, 唔会系咁易指指下同你讲 "男厕喺水牌果面".
临走时, 洋人经理埋黎say goodbye 送我地搭电梯, 仲好幽默咁同我地讲下笑添, 之后在下同友人就懐著愉快心情, 含笑离开 (I mean离开餐厅…)
环境COMMENT
满分之作, であります~ 法国宫廷式设计既装修, 将 “雍容华贵” 呢4只字演绎到淋漓尽致, 餐厅虽然得一层, 不过故意整多半层出黎, 外围既餐枱高半级, 呢啲咪叫Layer啰~
枱同枱之间够空间, 加上当日餐厅唔算full, 所以享受左一餐宁静既午膳. 值得一提系我地隔离有张大枱, 8丁友, 都冇话高谈阔论, 个个顾身份顾仪态, 尊重自己尊重餐厅, 呢样就系半岛既威力, 入得黎既人都系ladies and gentlemen, 连客人既质素都manage到, 呢啲就真系叫高章. 而佼佼者系楼28楼既Felix, 纵使全院满座都唔觉嘈… 或者大部份客人都系讲紧洋文… well.. 大声既洋文又好似冇大声既唐文咁扰人, sorry, 但愿冇冲击到玻璃心.
值得提下洗手间, 超干净超靓, 虽然唔似Felix用落地大玻璃, 冇左居高临下向住九龙半岛尿尿既快感, 不过装修亦属景点级 (呢个唔系讲笑, 真系值得参观, 唔疴都埋黎睇下啦喂~) 心谂, 如果office有啲咁靓既厕所就大镬啦, 相信员工们绝大部份既时间都会系 “办公时间”~
抵唔抵食?倘若以整体用餐experience黎讲, 系值既, 话晒在下都俾左个A grade (纵使野食唔太掂, 但服务同环境呢两栏接近完美). 不过如果可以再简 (类似呢个价位既话), 在下会简Petrus, 环境同服务喺比呢度输蚀少少少少少, 但野食好多多 (起码人地既主菜 – 羊架 好味程度属于感动级~)
当然, 如果计 weekend lunch, 阁下又有多少少既笔直 (大约每人一千松啲啦), 在下诚意推介Amber 同 L’ Atalier de Joel Robuchon.
友人而家喺一间准备新开张既餐厅打骰, 由餐厅装修到厕所用咩品牌香薰都一脚踼, 烦恼辛苦自己知, 不过, 快乐同成功感亦都系, 在下讲笑话佢搞紧真人版梦幻西餐厅~ 呢篇review出街时餐厅应该已经开业, 身为好朋友, 最大既支持就系去做座上客, 嗱~ 你讲过架, 记得留定张靓枱同俾个好折头啊~
张贴
