漁牧 (已結業)

韩国朋友黎香港怀免做交换生嘅大学生活，相约系尖沙咀晚饭。放左工急急脚系新界碌出城，黎到嘉拿芬广场二楼嘅渔牧，朋友食过话唔错，一于试下佢朋友订位时问洗唔洗预订老北京烤鸭，话可以帮手预留，点知转个头又话无晒，唯有下次先试啦。韩妹嗜辣，所以我地叫左个spicy hot 嘅海鲈鱼，好快就送到，上枱一刻见倒铺满密麻麻嘅辣椒🌶️，知道唔惹小。海鲈鱼稍为煎香再煮，肉食都几结实，配以香辣味好刺激。食完鱼可以再加其他食物打边炉（正确黎讲都唔算打边炉，因为选配嘅食物都系厨房加热左先，怕炉火热唔起，所以只可配简单食物），呢度有少许失色呢。除左鱼，我地仲叫左两份前菜，分别系糖醋排骨（硬左少少）同埋酱油皮蛋（外国人点都要试下，呢系好味㖞），仲有叫左1/4 只 bb猪，bb猪好嫩口，配三只酱汁食好好味，底下嘅葱油饭亦不错。整体黎讲其实佢个鱼就唔够其他铺头咁出色，而佢餐牌上嘅菜色都属gimmick，希望下次试倒款主菜系佢嘅主打啦