XOXO Café Lab (已結業)

放工后想揾个舒舒服服坐低食餐饭，朋友话有间cafe一直想试，佢就带咗我去呢度。黎得都系想试下啲有gimmick创意既菜式，所以我地嗌咗几样佢地既特色菜。先黎个沙律开下胃，鲜果优格沙律啲沙律菜好fresh, 份量都几大碟，好彩系菜唔系食到好滞。呢个三文鱼抱泡饭好特别，好似焗咗一层梳乎厘系饭上面咁，以为会甜甜地，但食落口感大于味道，软林林好似好有空气感既蛋白咁，几得意。入面既饭炒到粒粒分明，三文鱼厚身，两个人share刚刚好。呢款士林炸鸡同我系出面小食档食到既有啲唔同，呢只好酥香。佢应该系事先炸过一遍再落镬炸第二次，所以啲油已经飞走晒，我用手就咁食都唔会食到手指油淋淋，好干爽！鸡肉难得唔会变干身仲系好嫩，好想知道佢地炸鸡既秘诀系咩。见到好多人都有嗌呢个韩式烧牛肋骨，搞到我地都想试一试。同样都系份量好多，有成7-8件，啲汁甜甜地，牛肋骨烧得够香，配生菜食可以唔洗咁腻。珍珠奶绿大大杯都系$28，唔算太甜，清清地唔错。