達人包車 (已結業)

三个女人一个墟！梗系要揾间可以尽情倾计嘅食肆啦！虽然餐厅写明系食90分钟，但佢冇人等都唔会赶你走！当然，我哋都深明唔好阻人做生意，见有人等位就会乖乖埋单走人揾下场再倾再饮！我哋坐四人枱，张枱好似比出面啲餐厅细啲咁，有啲逼！好彩又唔会同后面撞凳！张枱放咗部队锅同盆炸鸡已经冇乜位净！部队锅炉特别迷你！可能系要就番啲枱！食物质素，及格啦！蜜糖炸鸡几香甜脆口，加埋薯角几好味！冇谂过蜜糖薯角都唔错！部队锅，当然系同韩国食嘅分量差好远啦！呢个，大食啲，一个人都可以搞掂佢！味道都可以啦！够晒韩式辣酱味！餐厅系要㩒钟仔叫服务生，通常都要㩒两次先有人嚟⋯⋯