影片
更多
2017-08-16
197 浏览
都市人食得健康，知易行难。每日翻工，一日至少有一餐出街食，忙起上嚟，真系一日三餐都喺外面食。虽然知道出街食唔好，但又几多人可以喺屋企自己煮完又慢慢叹？！Green Common 火速成为热话，或者就因为佢可以切合都市人嘅需要: 速食中，一样可以食得健康。Beyond burger 未来汉堡 Plus ($108) Beyond Burger 两块烘热微暖嘅面包当中夹住蕃茄，芝士，生菜同牛油果，配有蕃茄汁。Beyond Burger 中嘅 "牛扒" 全以植物制作，标榜无激素无抗生素无胆固醇，话系以豌豆同红菜头汁造成，完全无动物成份。其实"植物牛扒"外貌同真正牛扒都有8成相似，唯一系真牛扒多少少凹凸，"植物牛扒"就相对靠平滑，色泽其实都同真正牛扒好似。味道嚟讲，当然唔会有牛肉味，但"植物牛扒" 无论喺厚度，质感上都同真正牛扒好似。如果唔讲，其实真系未必知道系beyond burger。另外值得一提嘅系burger 当中嘅蕃茄汁。茄汁唔系一般食到樽装茄汁味，而系好新鲜，好juicy，仲会见到好细好细蕃茄蓉嘅新鲜蕃茄汁。呢个茄汁的确为成个未来汉堡加分。beyond burger 分量其实刚刚好
Green Common 火速成为热话，或者就因为佢可以切合都市人嘅需要: 速食中，一样可以食得健康。
Beyond burger 未来汉堡 Plus ($108)
Beyond Burger 两块烘热微暖嘅面包当中夹住蕃茄，芝士，生菜同牛油果，配有蕃茄汁。
Beyond Burger 中嘅 "牛扒" 全以植物制作，标榜无激素无抗生素无胆固醇，话系以豌豆同红菜头汁造成，完全无动物成份。
其实"植物牛扒"外貌同真正牛扒都有8成相似，唯一系真牛扒多少少凹凸，"植物牛扒"就相对靠平滑，色泽其实都同真正牛扒好似。
味道嚟讲，当然唔会有牛肉味，但"植物牛扒" 无论喺厚度，质感上都同真正牛扒好似。
如果唔讲，其实真系未必知道系beyond burger。
另外值得一提嘅系burger 当中嘅蕃茄汁。茄汁唔系一般食到樽装茄汁味，而系好新鲜，好juicy，仲会见到好细好细蕃茄蓉嘅新鲜蕃茄汁。呢个茄汁的确为成个未来汉堡加分。
beyond burger 分量其实刚刚好，食完会有饱肚感但唔会过饱。仲有就系食晒成个都唔会觉得油腻或者好滞。
以前一讲食斋就觉得好dry，无味。而家嘅素食真系一个视觉同味觉上嘅享受。无论系食品选择，外观，味道都做得好，令人对食素有一种新体验，新观感。
张贴
