Goobne Chicken (荃新天地)

营业中

休息中

之前食过Goobne Chicken嘅铜锣湾分店，觉得食物唔错，呢日就同人去咗荃湾分店试试。餐牌用色就比较可爱风，似乎唔同分店想营造唔同风格。Somersby Apple Rita，酸酸甜甜嘅沙冰，加上整支倒转放嘅Somersby Apple Cider，酒味唔浓，女仔饮就啱啱好。Blue Orangeade，相对起嚟呢款嘅橙味就唔出，以甜味为主。海鲜锅巴汤，汤内有大虾、蓝青口同虾仁等等，另外仲有木耳、鸡髀菇、蘑菇、本菇、小棠菜、洋葱、青红椒同辣椒等等，份量算多。锅巴已预先放晌汤中，一面脆口，另一面就被汤浸到软身。汤质较浓稠，有啲似中式汤羹，辣度比较轻微。蜜糖咖哩烤鸡，淋上烤杏仁片以增加口感。烤鸡外皮沾满蜜糖，脆口肉嫩，当中仲有微微咖哩粉香。亦可蘸另附上嘅芥末酱，味道唔呛，又系另一种感觉。