影片
更多
2013-09-14
904 浏览
同几位朋友好耐冇见，想揾一间可以坐得舒服，ｄ野食又好味既餐厅！最尾就简左黎 雅苑座呢到，知道呢到既ｂｕｆｆｅｔ 一向都几出名。一早就ｂｏｏｋ 定位既我地， 上到黎ｒｅｃｅｐｔｉｏｎ 好快就有人黎带位啦，基本上都唔洗点等。上到黎个环境都好舒服，食饭之余仲有音乐听下，好适合朋友们上黎轻轻松松咁坐下，倾下计，食下野。几张大枱都摆满哂好多食物，热盘、冷盘、甜品。。。首先就梗系拎左我最钟意食既刺食先啦，有三文鱼、立鱼、八爪鱼、吞拿鱼、油甘鱼同埋鱿鱼比你简，咁我就简左肥美既三文鱼，鱿鱼同八爪鱼。ｄ三文鱼好肥美，近腩位非常好食，而且师傅将佢唔会切得太厚，岩岩好。八爪鱼同鱿鱼都唔错，食得出系新鲜既，八爪鱼都唔会好难嚼。热盘方面都有好多选择，我同友人一人每样拎ｄ，先可以试多几款野食。有海鲜饭，白酒煮青口，焗田螺，烧味，羊扒，烧寿司同肉眼等等。。。正值餐厅而家做紧 地中海美食呢个主题，所以试到田螺同埋大大旧既炉鱼。炉鱼系原条用海盐烧既，所以仲好清楚咁食到鲜既炉鱼味，钟意食鱼既我就岩哂。 而且其他海鲜，青口、蟹脚、龙虾仔 都好好味， 冻食既海鲜拎到埋台都仲系冻冻地，好新鲜。另外值得一提既系巴马火腿焗鳕鱼，巴
一早就ｂｏｏｋ 定位既我地， 上到黎ｒｅｃｅｐｔｉｏｎ 好快就有人黎带位啦，基本上都唔洗点等。上到黎个环境都好舒服，食饭之余仲有音乐听下，好适合朋友们上黎轻轻松松咁坐下，倾下计，食下野。
几张大枱都摆满哂好多食物，热盘、冷盘、甜品。。。
首先就梗系拎左我最钟意食既刺食先啦，有三文鱼、立鱼、八爪鱼、吞拿鱼、油甘鱼同埋鱿鱼比你简，咁我就简左肥美既三文鱼，鱿鱼同八爪鱼。ｄ三文鱼好肥美，近腩位非常好食，而且师傅将佢唔会切得太厚，岩岩好。八爪鱼同鱿鱼都唔错，食得出系新鲜既，八爪鱼都唔会好难嚼。
热盘方面都有好多选择，我同友人一人每样拎ｄ，先可以试多几款野食。有海鲜饭，白酒煮青口，焗田螺，烧味，羊扒，烧寿司同肉眼等等。。。正值餐厅而家做紧 地中海美食呢个主题，所以试到田螺同埋大大旧既炉鱼。炉鱼系原条用海盐烧既，所以仲好清楚咁食到鲜既炉鱼味，钟意食鱼既我就岩哂。 而且其他海鲜，青口、蟹脚、龙虾仔 都好好味， 冻食既海鲜拎到埋台都仲系冻冻地，好新鲜。
另外值得一提既系巴马火腿焗鳕鱼，巴马火腿肉质鲜甜，肥而不腻，咸咸地既巴马火腿包住入面淡味ｄ既鳕鱼，都唔会令鳕鱼失色，两样材料个味道都好配合，而且鳕鱼唔会焗得太耐，食落仲几嫩滑，我食完之后都有再出去拎多两件。
呢个烚海鲜非常足料，你见到入面有大大只贵妃蚬啦，仲有螺，金菇等等，又或者可以简有花甲、象拔蚌做入面既海鲜。而汤底就有２种可以简， 我就简左意式鱼汤，试下地中海既风味。食落ｄ海鲜就好好味，但个汤就冻左ｄ同埋偏咸，可以试下另一款。
好开心今次黎原来有只大虾送，因为而家做紧地中海美食既主题，而每个食客都有一碟既。只大虾好大只咬落去啖啖肉，配埋黑鱼子香滨汁， 带有少少香滨味令只虾更加惹味，相信系其他餐厅都未必食到咁大只又煮得岩岩好既大虾食。
除左有ｐａｎｃａｋｅ之外，仲有ｈａａｇｅｎ ｄａｚ雪糕简，咁我就简左斑兰味ｐａｎｃａｋｅ，果然同友人讲既一样，非常唔错，适合女士食唔会太甜。总括黎讲，待应服务态度都好好，最尾都会问你要餐饮要饮ｄ咩，有咩需要好快都会过黎。食物都唔错，环境都舒服。
张贴
