影片
更多
2021-01-19
83 浏览
因为做design关系，一向蒲深水埗系揾布揾配料，而且就算好多做时装或制衣嘅外国人亦知道深水埗呢个地方，曾经有阿根廷做婚纱嘅朋友亦问我关于深水埗嘅野，但自从几年前开始整个行业北移，有d蒲咗十几廿年嘅舖头一间一间睇住执笠，令到成个区感觉好人丁单薄嘅感觉🥺🥺.....旧年年头因为疫情关系，吉舖陆续涌出黎，相对租金亦比之前低，吸引好多人有创业嘅决心，亦令到一间一间嘅咖啡店相继喺深水埗出现。其实香港除咗中环外，一向都冇一个cafe嘅集中地，其实韩国、上海、北京好多年前巳有好多好靓嘅cafe ,我个人偏爱简约有品味嘅装修，香港一向真系唔多。最近见到IG friend post 咗Soulroom 嘅相出嚟，其中佢地嘅黑芝麻cake ‘无常’ 第一时间已经好吸引，本身好钟意黑芝麻嘅甜品，而且我觉得每间cafe 嘅menu 唔需要好复杂，最紧要集中有两三款又好食又精致嘅招牌菜，当然定时推出一d新菜式生意先可以长做😍‘无常’系用黑芝麻同cream cheese 用不同份量做出六层深浅不同嘅灰色而做出渐变色嘅效果，每日限量供应，我觉得当中嘅心思系十分之值得欣赏，不单止好味，亦系打咭嘅必然选择，如果要喺众
旧年年头因为疫情关系，吉舖陆续涌出黎，相对租金亦比之前低，吸引好多人有创业嘅决心，亦令到一间一间嘅咖啡店相继喺深水埗出现。其实香港除咗中环外，一向都冇一个cafe嘅集中地，其实韩国、上海、北京好多年前巳有好多好靓嘅cafe ,我个人偏爱简约有品味嘅装修，香港一向真系唔多。
最近见到IG friend post 咗Soulroom 嘅相出嚟，其中佢地嘅黑芝麻cake ‘无常’ 第一时间已经好吸引，本身好钟意黑芝麻嘅甜品，而且我觉得每间cafe 嘅menu 唔需要好复杂，最紧要集中有两三款又好食又精致嘅招牌菜，当然定时推出一d新菜式生意先可以长做😍
‘无常’系用黑芝麻同cream cheese 用不同份量做出六层深浅不同嘅灰色而做出渐变色嘅效果，每日限量供应，我觉得当中嘅心思系十分之值得欣赏，不单止好味，亦系打咭嘅必然选择，如果要喺众多嘅cafe 突围而出，有睇头嘅招牌菜系必定需要，但味道亦十分重要，‘无常’今个月我巳食过两次，仲有继续想再去食嘅感觉😍
而我本身超钟意饮咖啡，想试下比较特别嘅Caramel peanut butter latte ,虽然本身偏好唔太甜嘅咖啡，但呢个咖啡同Earl grey scone 嘅味道非常夹，另一加分嘅地方👍🏻
总体装修简约，高楼底同纯白装修增加空间感，就算坐满人亦唔觉嘈嘅感觉，希望继续保持高质素嘅食物及环境🌿🌿
无常
6 浏览
0 赞好
0 留言
Caramel peanut butter latte and Earl grey scone
5 浏览
0 赞好
0 留言
张贴
