Alzina Spanish Asador (已結業)

虽然平时唔系食得好豪，但始终都要慰劳吓自己，约吓朋友relax吓! 同朋友食好多时拣油尖旺，就返大家吖嘛!今次就试吓附近好多bar，好多外国人都去嘅宝勒巷地带，咁多人外国人应该够正宗喇啩!一坐底知道做紧买一送一，当然立即一人一杯sangria先啦，仲要叫classic𠮶只! 要注意一人要叫一杯，先有买一送一，唔可以share呢个优惠，记得系$88...尖沙咀地带呢个价系好抵啦!食西班牙菜，边少得传统嘅seafood paella!个汁好惹味，汁同饭比例好好，唔会一旧旧汁，又或者干争争，海鲜好新鲜，特别系虾，好弹牙好爽，不过有男仔share就好可能唔够食，要叫多个主菜啦!呢旧香煎鳕鱼柳份量唔多，但足以令你上瘾! 肉质鲜嫩但厚实，夹起唔会散开，入口食到白嫩鱼肉嘅细滑，香煎制法但滑到似蒸鱼! 味清嘅鱼配上酸甜蕃茄汁而捞成嘅杂菜，好夹!另外再叫咗个薯角送酒，上面嘅香草汁轻轻减少咗薯角煎炸嘅重口味，咁又可以同朋友吹多一个钟水啦!