竹屋日本料理 (已結業)

星期六晚2个人去食, 围住百合苑行了一圈都找不到, 打电话去问, 佢话系金叶子隔离, 但都系找不到, 只见到一间叫竹屋. 门口企左2个男人, 应该是老板, 系门口睇menu, 老板好热情咁推介, 咁我地就入去试下啦, 睇本menu, 先知道呢间原来系大户屋, 唔知点解有2个名. 侍应落单都好好礼貌, 因为几小时之前系时新食完汉堡饱, 只有少少肚饿, 就叫左澳洲雪花肥牛串烧, 三文鱼寿司, 甜虾寿司, 蟹子沙律, 土佐豆腐, 串烧冬菇.澳洲雪花肥牛串烧: 有2串, 每串三旧牛肉, 我一向只吃全熟的牛肉, 未熟的牛肉只觉得滑潺潺好难食, 但系佢地d牛肉咬开之后都系红色唔熟, 不过完全冇滑潺潺既感觉, 几好食.三文鱼寿司: 旧饭细细旧, 三文鱼唔算厚, 但系食落好鲜味, 好肥美的三文鱼. 不错.甜虾寿司: 甜虾比出面其他寿司舖大只, 但味道冇咩特别.蟹子沙律: 我冇份食, 卖相同出面既差唔多.土佐豆腐: 有4件, 浸住好多汁, 唔会好似其他舖头咁唔舍得比汁, 味道不错.串烧冬菇: 2串, 黎到时见到好干, 以为唔好食, 但咬落去好多汁, 好好味.洗手间好阔落, 几干净, 又摆左好多干花系度.