Todai (已結業)

第一次帮衬美丽华商场地库TODAI的自助餐，平日午餐时间一样大班人喺门口排队入场同等位，记住要预先订位，如果唔系嚟到要等又未必有位呀。呢度的Lunch Buffet出名多寿司，细细件可以试多几款，又冇咁易饱。热荤有烧鱿鱼筒、鳗鱼蒸蛋、小笼包、煎薯饼、pizza、天妇罗、煎饺子、即制的汤面等。左面的羊腿肉嫰口又有肉汁，右面的三文鱼头好多肉又滑又香，非常正，我食咗好多件。香草焗青口好好味！甜品有好多选择，亦都系细细件，方便你试多几款，芦荟加糖水平时喺Buffet好少见到，蛋糕味道就麻麻哋。仲有即制pancake，朱古力喷泉，雪糕都有好几款，仲有朱古力雪糕粒。总括嚟讲，百几蚊价钱有咁多选择，真系好抵食，味道比一般酒店Buffet仲好，但如果只系想食寿司同鱼生的，就建议去有质素的任食日本菜，价钱差不多，又新鲜热辣一啲。