天機棧扒房 (已結業)

今日来左旺角食哩间牛扒，我地两人个人叫左2个一人$188套餐。我地叫左开始叫左一个软壳蟹，一个鹅肝。个蟹好好味，外脆内软，好香。个鹅肝就普普通通，不过都脆。餐饮我哋叫咗两杯柠檬茶。头盘我地叫左田螺焗薯蓉，凯撒沙律，薯蓉好好味唔咸而且好香，细细个而且配沙律、凯撒沙律啲山菜好新鲜。之后餐汤我哋叫咗龙虾汤同埋忌廉汤，两个汤都ok , 但忌廉汤好浓，有少少杰 。主菜我哋叫咗西冷牛扒，南瓜芝士意大利饭。牛扒我哋叫咗七成熟。上蝶时候啱啱好，好有牛味。南瓜芝士意大利饭就普通，但系芝士味就好重，啲饭有少少杰身。甜品我哋叫咗朱古力心太软，法式焦糖炖蛋。朱古力心太软好正，熟到啱啱好，一切开就流晒啲朱古力出嚟，细细个而且不算好甜。法式焦糖炖蛋都好味，表面嘅焦糖变咗脆片，下面嘅炖蛋好滑而且唔甜。总体我最钟意牛扒，软壳蟹同甜品，同都算扺食。