Four X Four

营业中

休息中

星期六，十二点半到，等咗大约30分钟， 两个大人一个小朋友，被安排坐梳化嘅位置， 用QR点餐，我哋嗌咗三个lunch: 味噌蟹肉扁意粉 配冻嘅咖啡， 烧鸡扒&薯条 配可乐， 同埋烧靖鱼生酮餐 配冻柚子蜜。我哋第二次嚟，水准大致上都keep到，个鸡扒真系超级抵食，CP值好高! 烧靖鱼有惊喜，D鱼肉十分嫩滑 配合个流心温泉蛋，perfect! 但系个扁意粉卖相就欠佳，好似呕吐物一般， 亦食唔出啲蟹味，味噌味有少少， 强差人 意咁。 楼面就得一个侍应， 收银、传菜、落order、带位、入座登记、handle外卖…， 全部一脚踢，佢十分之忙，未必顾及到咁多嘢，样样嘢都要等，小店人手不足，冇办法。