阿叔泰麵 (積信街) (已結業)

今日去朋友屋企玩，佢介绍附近呢间泰国餐厅话性价比几高，于是一齐去食下。一入门口见到虽然舖面细细，但装修都好有泰国特色。我同朋友一人叫咗一个套餐，我果个蛋炒咖哩蟹肉饭净系睇个卖相已经有惊喜，个汁唔会太咸太辣，食得出蛋香同蟹肉嘅鲜甜味，夏天食都唔会食到成身汗。另外真系要赞下杯特饮冻泰式绿奶茶，品道好清新，饮得出系特别调制，唔会死甜，好有东南亚风味，夏天饮真系几消暑。试咗少少朋友个金边粉，同出面其他餐厅嘅好唔同，啲粉几弹牙好有口感，难怪店员会推介，美中不足系牛腩韧咗少少。整体而言呢餐算系性价比高，而且食物调味适中，食完唔会觉得好口渴。