影片
更多
2013-08-18
88 浏览
Good food comes to those who wait，好野系要争崩头。前排去日本旅行嘅时候，见到当地人好有耐性咁排队食窝夫，心谂唔系啊嘛，有冇咁好食呀，排个几钟都排。点知几个礼拜后嘅今日，我做紧同样既野。一打开䢂门，哗，真系可以话系人山人海，即刻埋去攞左张飞，等八张大枱，大概等左四十五分钟。四个人叫左四个套餐，套餐包嘅冻饮选择少而且唔太吸引，所以只系其中一杯要左冻水果红茶，其他特饮都另外再加价钱要。每份套餐有一个主菜跟一碗饭同一杯饮品。我要咗个台式三杯鸡。唔知大家知唔知，其实三杯鸡即系一杯油、一杯酒同埋一杯豉油。呢锅三杯鸡食落其实冇乜米酒既香味，仲要有好多蒜头，不过𠮶啲姜片爆香左之后辣味无晒却好甜，配埋𠮶啲九层塔，真系香气四溢。鸡肉都嫩滑。 蚵仔煎炸得非常好，唔油而且好松脆，配合埋少少地蛋浆同蚵仔真系ichiban!肉躁茄子煲，本身𠮶啲肉燥其实香浓，最啱用黎捞饭。另外果啲茄子吸晒肉燥𠮶啲卤水汁，好正。但系略嫌油左D，食到底嘅时候见到好多油。最后一个主菜系沙茶牛仔骨，个牛仔肉一d都唔un，而且充满哂沙茶酱嘅味道，旁边嘅配菜洋葱亦都好甜。总括，四个𩠌都好适合用黎送饭。加左钱叫
Good food comes to those who wait，好野系要争崩头。前排去日本旅行嘅时候，见到当地人好有耐性咁排队食窝夫，心谂唔系啊嘛，有冇咁好食呀，排个几钟都排。点知几个礼拜后嘅今日，我做紧同样既野。一打开䢂门，哗，真系可以话系人山人海，即刻埋去攞左张飞，等八张大枱，大概等左四十五分钟。
四个人叫左四个套餐，套餐包嘅冻饮选择少而且唔太吸引，所以只系其中一杯要左冻水果红茶，其他特饮都另外再加价钱要。每份套餐有一个主菜跟一碗饭同一杯饮品。
我要咗个台式三杯鸡。唔知大家知唔知，其实三杯鸡即系一杯油、一杯酒同埋一杯豉油。呢锅三杯鸡食落其实冇乜米酒既香味，仲要有好多蒜头，不过𠮶啲姜片爆香左之后辣味无晒却好甜，配埋𠮶啲九层塔，真系香气四溢。鸡肉都嫩滑。
蚵仔煎炸得非常好，唔油而且好松脆，配合埋少少地蛋浆同蚵仔真系ichiban!
肉躁茄子煲，本身𠮶啲肉燥其实香浓，最啱用黎捞饭。另外果啲茄子吸晒肉燥𠮶啲卤水汁，好正。但系略嫌油左D，食到底嘅时候见到好多油。
最后一个主菜系沙茶牛仔骨，个牛仔肉一d都唔un，而且充满哂沙茶酱嘅味道，旁边嘅配菜洋葱亦都好甜。
总括，四个𩠌都好适合用黎送饭。加左钱叫咗几杯饮品都好正。柠檬爱玉饮落酸酸哋，感觉清新，好适合配番较油既主菜。冻水果红茶唔使加钱，浸左几种水果(火龙果、士多啤梨、蓝莓)同埋黑珍珠，用既系lipton柠檬茶包。
最后梗系唔少得万众期待嘅甜品，但由于食过主菜后都已经好饱，所以唯有只能够选择一样，叫咗士多啤梨雪糕蜜糖砖。上菜嘅非常瞩目，size大，个球雪糕已经慢慢系到溶紧，流入去呢啲面包方砖。方砖即系多士厚切四方形粒粒，最欣赏佢系仲能够保持脆度，加埋D蜜糖，真系好好味。个包边就麻麻地，因为无蜜糖，球雪糕唔知系咩牌子，但食落够creamy似Dryers!有人话呢d系生意手法，营造好受欢迎既效果，但无奈宜家订位何其方便，又电话又上网又APPS，所以仍然有班无耐性既朋友系永远食唔到。另外好想俾d掌声GEMMA，门口个个waitress，无咪都要o系人海中叫D号码，仲要处理客人既不满鼓躁，值得一赞!
张贴
