撈撈雞 (已結業)

同朋友行葵涌广场行到好肚饿，见到有咁多小食都唔知食边样好，食完麻糬之后仲想食野 我地两个都想食捞捞，朋友最后拣左捞捞鸡。我唔太食得辣，朋友钟意食鸡胸，所以拣左鸡胸+配菜3份，盐水汁小辣($40)。见到佢地有好多配菜拣，仲有生果老板非常有心机介绍唔同食材，特别推荐哈密瓜，结果我地听老板讲，拣左鸡脾菇、青瓜、同埋哈密瓜，捞完出黎俾我地想像既份量多虽然系即叫即捞，鸡胸非常入味，一d都唔鞋，青瓜同鸡脾菇新鲜爽口，个汁调得岩岩好，有味得黎又会食到新鲜配菜既味道，而夹哈密瓜真系老板推介时所讲：「超好味」！好彩听左老板讲有嗌其实小辣对我黎讲巳经好辣，但又忍唔住一路嗌好辣一路食㖞老板仲俾左泰辣汁我地试，朋友话好好味！老板话每次煲个汁要煲2个钟，而d鸡，浸水浸熟，再浸过冰水后，原来会整起层皮刮走皮同肉中间个层肥膏难怪咁好味！佢地坚持用新鲜食材，一次唔会买好多，因为放得耐口感会唔同，所以哈密瓜会卖晒架！另外我见佢地有秋葵，番石榴，都几特别，下次有机会要试下我地企左系铺位较出仅有既空位一路食一路同老板倾计，好欣赏佢地预备食物既用心，又咁有人情味咁同客人倾计分享，因为系香港真系愈来愈少了。