影片
更多
2012-07-29
51 浏览
在尖东尖沙咀附近，找一间可以轻松下既cafe似乎都唔系易事。Crema地点就脚，方便，而且店舖唔算细，就算坐得耐都唔会有阻住佢做生意既感觉，所以去开呢区都钟意来呢度坐下，饮杯拉花拉得靓靓既cappuccino 不过早餐就一次都未食过，今日就得登早少少起身食返个靓早餐。九点钟来到，全店大约有十位客人用餐，唔算好多人。因为呢度系地面落一层，唯一净系得一个角落有个天窗，所以二话不说就走左过去。侍应主动收拾枱上，递上餐牌，很快就选定B3：磨菇芝士奄烈配茄汁豆及谷麦多士，另外加左＄8饮意式泡沬咖啡（仲可以转脱脂奶）。等左大约5﹣10分钟，早餐先上场。同相片差少少啫，不过都可以接受。先食个奄烈，切开明显有唔少既芝士喺入面，磨菇切成片既，不过食落蛋唔香，多油；磨菇出左D水，影响芝士同埋蛋既质感；蛋同磨菇都无乜味，幸好有芝士既咸味，整体只是麻麻，下次会选择炒蛋就算。谷麦多士反而几钟意，轻微焗过既，仲有少少甜味，就算唔加牛油都OK。好喜欢呢度既拉花，每次见到都好开心，barista好有心思，唔忙既时候总会整唔同既拉花：）奶泡都几绵密，但系唔算好厚实，所以饮左一半，个拉花都散散地，奶既比例比我偏好既多D
九点钟来到，全店大约有十位客人用餐，唔算好多人。因为呢度系地面落一层，唯一净系得一个角落有个天窗，所以二话不说就走左过去。
侍应主动收拾枱上，递上餐牌，很快就选定B3：磨菇芝士奄烈配茄汁豆及谷麦多士，另外加左＄8饮意式泡沬咖啡（仲可以转脱脂奶）。
等左大约5﹣10分钟，早餐先上场。同相片差少少啫，不过都可以接受。先食个奄烈，切开明显有唔少既芝士喺入面，磨菇切成片既，不过食落蛋唔香，多油；磨菇出左D水，影响芝士同埋蛋既质感；蛋同磨菇都无乜味，幸好有芝士既咸味，整体只是麻麻，下次会选择炒蛋就算。谷麦多士反而几钟意，轻微焗过既，仲有少少甜味，就算唔加牛油都OK。
好喜欢呢度既拉花，每次见到都好开心，barista好有心思，唔忙既时候总会整唔同既拉花：）奶泡都几绵密，但系唔算好厚实，所以饮左一半，个拉花都散散地，奶既比例比我偏好既多D，所以Crema既甘苦味唔太浓，不过质素都好过好多连锁店！埋单只系＄43！
有环境，有少许足够既服务，有稳定既质素，不错既开饭之选：）
张贴
