裕發茶餐廳 (已結業)

今日早早地，食左个早餐。但其实唔洗太早都有得食，因为卖到12点。叫左沙嗲牛肉公仔面，双蛋方包同茶走。个面唔错，够弹牙，够爽滑，师傅有料到，刚刚熟，唔会‘林’晒，又唔会生面。沙嗲牛肉唔算好多，但系就好够味，少少就可以送一大淡面。煎双蛋够香口又唔会‘窿’，个蛋黄中间仲有少少生，湿湿地真系好正。方包就有少少干身，但中间啲牛油都足够可以湿润返个面包。叫左杯茶走，最喜欢佢甜香滑集于一身。基本上茶记奶茶都系无得输。