Limited (已結業)

一早约哥哥10点出土瓜湾食早餐，倾下计，真心早左，人地铺头都未开得切我就到左，不过都唔洗等好耐。作为当日第一个客人，我都影返几张相，虽然系星期六，但都系有早餐食，而且重系cafe既门面，街坊既价钱😊我同哥哥都拣左烟肉炒蛋多士，蛋炒得够滑，烟肉都唔少，但如果可以再切碎d、沟得匀d就重好，而块多士系小小软身既法包片，啱晒同炒蛋一齐食。啡就试左冻美式，好香，带少少果香。因为倾计，坐耐左，所以我另外再叫左杯cappuccino，而且都有得转oat milk，唔错！