聚點私房 (已結業)

转了新工一直好忙，终于可以约埋一班旧同事团拜，同事A拣了这一间私房菜，话有房够privacy ，食完饭唔使再转场揾地方倾计，昨晚的各款食物都非常精致可口👍🏻👍🏻个话梅凉瓜做得好好味一啲都唔苦仲好开胃，个糖醋鱼仔都好香脆🐟忍唔住食完又再食，个瑶柱汤用个紫砂茶壶装住，除咗精致之外仲发挥到保暖嘅功效，饮嘅时候D汤热辣辣好鲜甜可口😋😋，其实食到个鲍鱼嘅时候我已经好饱好饱，但同事A话个清酒蟹煲🦀好好味，叫我一定要试吓，佢冇介绍错真系超香超鲜甜。餐后个大厨王师傅仲入嚟打招呼问，我地啲嘢食啱唔啱口味，我乘机问佢个蟹煲系点整，点知佢又真系肯教我。👏👏今晚有美食佳肴，有好朋友相聚，仲有大厨教路，非常尽兴，真系好开心，下次有饭局我都会再嚟🎉🎉