太平山餐廳 (已結業)

fried calamari, 呢道嘅鱿鱼圈比平日食到嘅细，因此，做到真正嘅 deep fried， 但建议尽快食用，因为一冻咗就 "un"...buffalo wings, 酱汁好入味，小小辣， 但可能我嘴细， 只鸡翼实在太大，可以选小一个 size 嘅鸡翼，或开边， 会食得方便d。Nachos, 牛油果酱全部 on side, 失了风味，但方便唔食牛油果酱嘅朋友， 但芝士分量实在太少，起码要 triple....sirloin steak, medium rare / medium , 两块扒都 over cook, 变成 medium well to well done... 由于我从来未食过咁熟嘅牛扒， 只觉得牛扒好干丶好 "un", 冇晒汁, 浪费左块牛扒。甜品有心太软丶芒果糯米饭， 心太软不太流心， 但甜度适中，唔错。 芒果糯米饭嘅芒果份量唔够，芒果有少许酸， 饭上面嘅椰汁唔够， 但味道 OK...成餐饭嘅质素值 6.5 分，但 waiter 嘅 service 令成餐饭加多一分。