SO Coffee & Gin

营业中

休息中

门面蓝色几sharp醒，一行入去装修喺蓝色同啡色格调，感觉都几warm同几有vibe。因为平日夜晚去，所以冇book位就咁Walk in都有位，我哋就拣咗坐喺最入面𠮶张枱，墙上面有啲工具嘅装修都几得意、几有格调。坐低好快就上咗Menu同水，然后侍应就问我哋系想食少少嘢定系饮酒，之后介绍Menu上嘅食物，都几详细同有心。因为我同friend唔太肚饿，所以就净系叫咗一个主食、一个甜品同一杯咖啡。蒜香炒意粉味道OK，蒜片炒得好香，钟意食蒜嘅人可以一试。巴斯克蛋糕只芝士嘅味有少少特别同平时食开嘅巴斯克蛋糕好似有啲唔同，个Texture就好慕斯，软绵得嚟都几滑，我同friend都几钟意。Oat Milk flat white 佢哋嘅咖啡有好多多种豆拣，不过要加钱，所以今次试咗佢哋嘅House Blend先，系Nutty嘅咖啡豆转燕麦奶，口感都几滑，而且有拉花，不过咖啡味就唔算出，下次可能试埋其他豆。服务嚟讲都真系几好，不停有人加水同帮我哋收食完嘅嘢，同关心我哋啲嘢好唔好食。因为唔多人，所以都可以慢慢坐，难得有个咁好vibe嘅地方可以同friend吹水。整体嚟讲嘢食服务环境都唔错，可以再嚟。