Gram Cafe & Pancakes

营业中

休息中

店名：Gram cafe & pancakes地点：尖沙咀弥敦道100号The ONE菜式：日式班戟餐牌：咸班戟同甜班戟，班戟有梳乎里款式又有热香饼款式。其他野如三文治，法式多士，雪糕，雪花冰，沙冰，梳打，咖啡，茶，果汁，汽水。另外都有午市套餐同欢笑儿童餐。蛋沙律巴马火腿班戟 $98 另加一蛋沙律巴马火腿班戟卖相不俗。面头一片巴马火腿喺顶，下底就系生菜沙律加紫洋葱丝，已经加左沙律酱。再下底就系主角薄班戟皮包住丰富嘅蛋沙律。又薄又软绵绵嘅班戟薄皮配爆馅够酱蛋沙律超好味！最下底就系一块甜甜哋嘅热香饼，都好软绵绵。碟边有车厘茄同紫洋蒽，加上沙律酱同醋调味。呢款班戟好特别，味道都唔错，唔怪得系香港限定！午餐有3款，我拣左豚肉咖喱蛋包饭。豚肉咖喱蛋包饭 $88 另加一一上枱就闻到好香咖喱味。咖喱有好多豚肉五花腩，伴有少少红萝卜同洋葱，味道好浓，送白饭一流。蛋包饭块蛋偏薄身，味道淡淡，面头撒上少少香草，配浓咖喱都几好。午餐包一杯饮品，我要左杯冻柠茶。冻柠茶有好多冰，面头有三片柠檬，糖水另上。今餐几钟意个蛋沙律巴马火腿班戟，好有特色。