影片
更多
2022-02-07
2153 浏览
虎年第一餐班戟，去左呢一间位于The One 4楼既Gram cafe & pancakes，呢度主打日式班戟，有咸班戟同甜班戟拣，选择好多。呢度既班戟比较似热香饼，唔系空气感强𠮶种，而系比较实在，味道方面系比较咸。价钱方面以班戟店黎讲相对唔算贵。经典口味甜班戟共5款，基本上我哋款款都食过，今日要食啲重口味啲嘅款式，所以拣左石板街班戟同意大利芝士蛋糕班戟，贪造型够特别，将三块班戟合体变成一个超大个既班戟蛋糕。石板街班戟 $118 另加一石板街班戟系3层咖啡色嘅朱古力味班戟下底包住一层黄色吉士酱同中间一层白色忌廉，上面再挤左白色忌廉，外面洒满朱古力粉，顶顶放左一粒士多啤梨，再挤啲朱古力酱，洒上白色糖霜。伴碟有3粒去左核嘅车厘子，棉花糖同脆口鸟结糖粒。卖相真心靓，仲靓过意大利芝士蛋糕班戟，影相唔错。食落主要系咸咸哋嘅班戟配朱古力粉同香滑吉士酱，其他伴碟野食都有加添口感同味道。每人食一半都唔觉太腻。意大利芝士蛋糕班戟 $118 另加一意大利芝士蛋糕班戟同石板街班戟造型差唔多，不过感觉简单啲，因为伴碟只有香叶一片。其实就系由三块啡色班戟夹住两层厚厚既吉士酱，上面加吉士酱点缀，再撒上大量咖啡粉同
经典口味甜班戟共5款，基本上我哋款款都食过，今日要食啲重口味啲嘅款式，所以拣左石板街班戟同意大利芝士蛋糕班戟，贪造型够特别，将三块班戟合体变成一个超大个既班戟蛋糕。
石板街班戟 $118 另加一
石板街班戟系3层咖啡色嘅朱古力味班戟下底包住一层黄色吉士酱同中间一层白色忌廉，上面再挤左白色忌廉，外面洒满朱古力粉，顶顶放左一粒士多啤梨，再挤啲朱古力酱，洒上白色糖霜。
伴碟有3粒去左核嘅车厘子，棉花糖同脆口鸟结糖粒。卖相真心靓，仲靓过意大利芝士蛋糕班戟，影相唔错。食落主要系咸咸哋嘅班戟配朱古力粉同香滑吉士酱，其他伴碟野食都有加添口感同味道。每人食一半都唔觉太腻。
意大利芝士蛋糕班戟 $118 另加一
意大利芝士蛋糕班戟同石板街班戟造型差唔多，不过感觉简单啲，因为伴碟只有香叶一片。其实就系由三块啡色班戟夹住两层厚厚既吉士酱，上面加吉士酱点缀，再撒上大量咖啡粉同朱古力粉，最后加上一块朱古力薄片系上面！呢款意大利芝士蛋糕班戟嘅班戟似系原味，只系外面洒满咖啡粉同朱古力粉所以看似咖啡色。食落咖啡味适中，唔会太苦或太甜，钟意咖啡人仕可以一试。
餐牌写明用餐时间75分钟，繁忙时间就60分钟，最低消费每人1份食品或饮品。呢两款班戟如果点黎作为一个庆祝蛋糕都唔算贵呀。
张贴
