Gram Cafe & Pancakes

营业中

休息中

店名：Gram cafe & pancakes地点：尖沙咀弥敦道100号The ONE菜式：日式班戟餐牌：咸班戟同甜班戟，班戟有梳乎里款式又有热香饼款式。其他野如三文治，法式多士，雪糕，雪花冰，沙冰，梳打，咖啡，茶，果汁，汽水。另外都有午市套餐。蟹肉忌廉意粉 $78 另加一蟹肉忌廉意粉上枱时就闻到好香！幼身spaghetti捞有满满白汁，面头放有蟹肉，中间有明太子同大量紫菜丝。意粉捞埋洋葱，可加添口感。呢款意粉够al dente ，而且够汁又咸香，好味道，热辣辣好正！招牌梳乎厘班戟 $138 另加一招牌梳乎厘班戟每日3次限量发售，有出炉时间。招牌梳乎厘班戟一客三大件排得高一高，服务员小心翼翼上枱，每件都有返一定厚度，真系热辣辣上枱。最上面加一pat热溶牛油，伴有一大pat非常香滑同甜丝丝嘅忌廉，同埋一小兜枫糖浆，最后洒上糖霜。班戟外皮有少少金黄色，入面就白雪雪，米味浓。口感方面，班戟真系几松软，不过又唔会太一阵风食完唔饱，都几有口感。配忌廉食真系正。今餐两款食物都好正！餐厅位于大商场The One，地点方便，餐厅环境呈开放式，感觉开扬。