Craft Brew & Co (已結業)

系山区返工，讲真，lunch迟左出去去，唔驶旨意落去食南记果d平野，公司近soho，唯有系附近揾食。行过闻到好香，劲肚饿既队长于是就拉埋同事冲左入去！队长见到有个叫Hong Kong U既包有菠萝，好爱菠萝既队长二话不说就落order！嗱！如果赶时间/大班人就要谂谂，因为佢人手好少，得一个人煮，逐个包整系劲耐，不过佢逐个新鲜整就真系香喷喷！包面有芝麻同埋都轻轻煎过，几香，份量都大份，除左主角汉堡扒，仲有烟肉、煎蛋、菠萝，同埋鸭油薯条，先赞下块汉堡扒同烟肉，汉堡扒好juicy，肉质都松软，至于点解要赞块烟肉呢？因为佢唔会煎到变肉干，好怕食到呢种烟肉，同埋少一点肥羔，似食火腿多一点，食汉堡包肥、油就一定架啦，夹块菠萝感觉会好一点。至于鸭油薯条，比平时食既香好多，而且干身唔油，食到停唔到口！如果唔系lunch time食，配埋啤酒更一流！