影片
更多
2019-03-13
114 浏览
睇返纪录原来我对上一次写食评系2015年嘅事 我都好耐冇写过 但系呢一间我想写下之前生日多数都系食自助餐 贪佢多嘢食但其实quality麻麻 食咗咁多年都冇间觉得好好食 所以就转食酒店扒房 扒房啲扒就质素真系好嘅 但个气氛环境就拘谨啲啰 食得多都闷闷地同埋又要特登出城😂 今次系无意中发现呢间食西班牙菜嘅餐厅 同埋见咁多好评都想试吓 就打去book位食我家姐嘅生日饭 主厨话前几日会send啲Menu俾我睇俾我拣 应该想早啲做好准备 一入到去成个装修都好简单好舒服 间餐厅唔算多位 比尽都系得20个位所以想食就book定枱 呢间餐厅无得散嗌 得4-course and 6-course拣 menu如下：其实个龙虾我系想试嘅 但真系麻麻哋八爪鱼 所以我哋五个人都拣咗4-course带子.香醋佢个汁酸酸地 好开胃 食材新鲜 黑色粒粒甜甜地好味❤️雪蟹肉沙律.鱼子酱蟹肉啖啖肉 正呀😍佢有鱼子酱加埋淡淡花香味 食得好开心 因为唔使我剥壳36个月西班牙依比利火腿沙律我麻麻哋火腿 但呢一个OK 唔算好咸个汁又好好味 啲菜都新鲜松露.黑菌.清汤我本身唔太钟意饮清汤 同埋唔钟意食菇 （黑松露除外😂）呢个完全中
之前生日多数都系食自助餐 贪佢多嘢食但其实quality麻麻 食咗咁多年都冇间觉得好好食 所以就转食酒店扒房 扒房啲扒就质素真系好嘅 但个气氛环境就拘谨啲啰 食得多都闷闷地同埋又要特登出城😂 今次系无意中发现呢间食西班牙菜嘅餐厅 同埋见咁多好评都想试吓 就打去book位食我家姐嘅生日饭 主厨话前几日会send啲Menu俾我睇俾我拣 应该想早啲做好准备
一入到去成个装修都好简单好舒服 间餐厅唔算多位 比尽都系得20个位所以想食就book定枱 呢间餐厅无得散嗌 得4-course and 6-course拣 menu如下：
其实个龙虾我系想试嘅 但真系麻麻哋八爪鱼 所以我哋五个人都拣咗4-course
带子.香醋
带子.香醋
2 浏览
0 赞好
0 留言
佢个汁酸酸地 好开胃 食材新鲜 黑色粒粒甜甜地好味❤️
雪蟹肉沙律.鱼子酱
蟹肉啖啖肉 正呀😍
佢有鱼子酱加埋淡淡花香味 食得好开心 因为唔使我剥壳
36个月西班牙依比利火腿沙律
我麻麻哋火腿 但呢一个OK 唔算好咸
个汁又好好味 啲菜都新鲜
松露.黑菌.清汤
我本身唔太钟意饮清汤 同埋唔钟意食菇 （黑松露除外😂）呢个完全中晒😂 闻落去好香黑松露味 但饮就好重菇味 但我爸就觉得OK
烧西班牙依比利猪鞍架
好多时喺餐厅都唔会叫猪扒 因为多数都会好韧好鞋 所以次次都食牛扒 但见啲食评话呢个猪扒OK所以就试吓 呢件唔算太瘦有少少肥所以食落就好似半肥瘦叉烧咁正
同埋佢啲配菜都好好食 萝卜唔会有草青味重点系个汁好正 连埋薯仔食真系一流
烧安格斯顶级肉眼扒(二人用)
呢个presentation靓 rib eye肉质算几好 medium rare煎得啱啱好 我系牛魔 食到靓牛真系好开心🤪
2人份都算大块 可惜系切嘅时候多血水 佢个木版唔够平所以血水会不停流落嚟
但侍应姐姐好细心一见到就已经拎几张纸巾俾我哋垫住 所以无流到周围都系
乳猪 + $20
呢个乳猪比想像中大只 我以为乳猪系一件件咁得几块 但都几大只 比我哋影完相仲可以帮我地切埋 真系好好！
唔好expect佢系我哋食𠮶啲中国乳猪 佢个皮冇咁脆但系都好食嘅 重点系肉都几滑
另外配佢哋自己整嘅风干菠萝片
如果唔系5个人share 点食得哂呀？😂
蟹肉蟹膏意粉
呢个睇见都流晒口水 同埋我好钟意食蟹肉意粉 呢个仲要加埋蟹膏 但我钟意食幼稚
身嘅意粉 呢个虽然唔系幼身意粉但系呢个硬度适中 同埋有少少少少腥 唔系好仔细食其实唔觉但佢胜在足料
百里香布丁+水果芝士蛋糕 $38each
餐系唔包甜品嘅 想食要另外叫 我预先问咗主厨可唔可以帮我写字 系可以既
首先我想讲下个百里香布丁 我好好奇香草整咗甜品系咩味 个味系有啲耐人寻味我都唔识形容 但呢个甜品食一次就够
同埋个士多啤梨芝士蛋糕个质地湿湿地 偏冧 我就麻麻哋呢个texture 呢个都系试一次就够
红莓红茶
连只碟都好靓总括嚟讲呢餐我都好满意 食物加环境加服务都好 喺元朗呢个质数算数一数二 但价钱就小小贵 好难日常成日食 唔似cafe 200几蚊一餐 但我谂两三个月食一次或庆生食都ok既
主厨话2个月转一次menu, 下次转大约4月15 睇下到时有咩朋友生日再食过😍
张贴
