Green Tech Cafe (已結業)

比较少接触素食，仲停留系以前食中式斋好多油同埋好贵既印象，但如今已经超多种类，今日试呢间都令我几有惊喜!素肉松百页豆腐潜艇堡 ($48)，即叫即整，法包外脆内软，个酱好味同埋混合左紫椰菜变左粉紫色，好梦幻。南瓜肉松同埋百页豆腐食起既口感完全唔似食紧素，餐厅非常懂得利用唔同既新鲜食材配搭出好味既菜式! 素叉烧捞面配春卷及咖喱角 ($78) ，一个点左西式，另一个梗系点中式交换黎试下，大大排素叉烧，质感柔软得黎味道又整到叉烧既感觉，粗面弹牙捞埋蚝油唔会干。炸物都OK，以蔬菜丝为主，加配左多份Share。今日餐汤系南瓜汤，唔系creamy 厚身个款，比较清但亦够味。我地都另外加左饮品，玄米茶落足料唔系茶包，伯爵茶都好透心凉。餐厅店员都好亲切，又会介绍menu，见到有下午茶menu，下次都系想试素食既甜品。呢间素食餐厅系提供无五辛素食，方便不同饮食习惯既素食者，而作为非素食者既我黎到食一样冇任何唔惯，仲觉得几好味，系值得支持一下既素食店，打卡仲几靓。地点系西环一田地下，都几方便。