Grill ขุนทอง (和安里)

营业中

休息中

呢排冬天来临，成日都食热气野，今晚继续热气，不过唔系韩烧或者日式烧肉，而系泰式串烧。地点系老兰既泰式串烧吧叫Grill，非常方便，系正中环既中心。一日既往，呢度主打泰式串烧，有多款唔同肉类，海鲜同蔬菜既串烧，餐牌亦有海南鸡，几款泰式饭，沙律，仲有饮品。原来呢度都有酒类饮品供应。首先去收银处落单俾钱，然后自己揾位坐低放低数字牌，等服务员送上食物。呢度无加一服务费。今晚叫左1款沙律，半只去骨海南鸡，同几串串烧。泰式酸辣猪颈肉沙律 $65泰式酸辣猪颈肉沙律有8片猪颈肉，有大有细，味道我觉得算几辣。上面有芹菜，下面有一块生菜。串烧我叫左4串，左起分别系牛仔骨，鱿鱼须，猪颈肉同白鳝，全部加左青辣椒系上面。牛仔骨 $43 都算淋，味道入味。鱿鱼须 $25 就无特别。猪颈肉 $22 爽口。白鳝 $60 超爽滑，少少弹牙，质感好似鳗鱼。 如果热d会好食d。去骨海南鸡半只 $135去骨海南鸡半只都好多肉食，够肥又够油。真系全部去哂骨，除左鸡翼尖。鸡腿位特别滑溜，肉质嫩滑，好好味道！鸡下底垫左腍梛菜，吸左啲鸡油得黎又唔太肥。附上甜豉油同酸辣酱。