Grill ขุนทอง (和安里)

营业中

休息中

地点：中环兰桂坊和安里菜式：泰式串烧餐牌：多款串烧肉类，海鲜同蔬菜，餐牌亦有海南鸡，几款泰式饭，沙律，汤，小食，甜品，仲有饮品。无加一。平日午市有午餐餐牌。主菜4选1，跟简单饮品。白鳝 $65呢度白鳝串烧一向都好出色！白鳝一客4件，烧得㶶面！我叫左辣，餐厅加左适量蒜蓉青辣椒酱系面。白鳝肉质弹牙，质感好似鳗鱼，味道都好好，唔会太辣。猪颈肉 $25猪颈肉都系一串4件，都系烧到㶶边！质感非常脆口！我叫左辣，猪颈肉就系配芫茜酸辣酱，好夹，都系唔会太辣。去骨海南鸡半只 $135去骨海南鸡半只都好大只，好多肉食。鸡皮好滑溜，鸡脾位肉质嫩滑，好好味道！青木瓜手撕鸡沙律 $69手撕鸡份量好多，食落又瘦又稔。下底主要系青木瓜丝配少少青瓜丝同红萝卜丝。啖啖爽口。蒜蓉甜酸汁另上，我钟意成兜倒落去，食落味道酸酸甜甜又有蒜味。冻柠水（跟餐）总括而言，呢度食物质素都几好，餐厅门面夺目，容易揾到。