Häagen-Dazs

营业中

休息中

餐厅：Häagen-Dazs地点：铜锣湾时代广场菜式：雪糕为左庆祝生日，提早订左个雪糕蛋糕。海洋派对 (Large) $669蛋糕造型看似唔错，有各种海洋生物、精致贝壳同珊瑚造型朱古力。其实卖相比我想像中差，因为个围边居然系普通一张纸，而且个蛋糕底只系白色硬纸一张，个蛋糕面相对又比较少装饰，空空地，因为个蛋糕大，装饰显得少同细，应该相应加返多d。蛋糕上既朱古力造海洋生物卖相颜色都可以，不过味道绝对系唔好食，特别系面头块蓝色海洋朱古力。入面就系白色忌廉包住两层雪糕。原本呢款蛋糕设计左雪糕口味系芒果雪糕同呍呢嗱雪糕，不过我地买个大，所以可以选两款口味，同埋左右定上下分层！雪糕口味选左最钟意既系新口味士多啤梨红桑子马卡龙雪糕同夏威夷果仁。士多啤梨红桑子马卡龙雪糕系士多啤梨雪糕拌入红桑子软心酱同粉红马卡龙，味道主要系士多啤梨同红桑子味，滑溜兼味道唔错，不过应该要多d马卡龙先切合返主题。夏威夷果仁就一贯滑溜同有啖啖夏威夷果仁碎咬下。两款口味我都钟意，呢个配搭都唔错，全屋人都钟意。切完融得快，要快食。呢个价钱我期望个蛋糕会靓啲，呢个大蛋糕今餐6个人（包括两只雪糕怪）食就刚刚好。